«Ulytaý oblysyndaǵy «Jomart» kenishinde bolǵan tótenshe jaǵdaı bárimizdiń qabyrǵamyzdy qaıystyryp jiberdi. Apat saldarynan qaza tapqan kenshilerdiń otbasylary men jaqyndaryna qaıǵylaryna ortaqtasyp, kóńil aıtamyz.
Osy máselege baılanysty Memleket basshysy Úkimetke tótenshe jaǵdaıdyń mán-jaıyn muqııat tekserýdi júktedi. Sondaı-aq salalyq vedomstvolar men óńir ákimdigine marqumdardyń otbasylaryna qajetti kómek kórsetý tapsyryldy.
Aldaǵy ýaqytta tıisti sharalar qolǵa alynyp, oqıǵanyń sebepteri anyqtalatyn bolady. Endi eshqashan elimizde mundaı qaıǵyly jaǵdaı qaıtalanbasyn dep tileımiz», dep jazdy M.Áshimbaev óziniń Facebook paraqshasynda.
Eske salaıyq, dúısenbi kúni «Qazaqmys» korporasııasyna qarasty «Jomart» kenishindegi shahtada taý jynysy opyrylǵan. Oqıǵa saldarynan 7 shahta jumysshysy úıindi astynda qalyp qoıǵan.
Buǵan deıin «Qazaqmys korporasııasy» JShS «Jomart» kenishinde bolǵan qaıǵyly oqıǵanyń aldyn ala sebebin ataǵan edi.
