Foto: rawpixel
Qaıǵyly oqıǵadan qaza bolǵan kenshilerdiń jeke basy anyqtalyp, aty-jóni jarııalandy:
1. Qaırat Aqshalov, 49 jasta. 3-razrıadty mashınıst, tórt balanyń ákesi. Balalarynyń úlkeni 19, kishisi 4 jasta. Ulytaý aýdanynda turǵan.
2. Ardaq Jaqubaev , 26 jasta. Jerasty ýchaskesiniń taý-ken sheberi, 2 jastaǵy balasy bar. Sátpaev qalasynda turǵan.
3. Baqytbek Jumadollaev, 49 jasta. 3-razrıadty jerasty taý-ken jumysshysy, 4 jastaǵy balasy bar. Sátpaev qalasynda turǵan
4. Orynbek Kenjebekov, 33 jasta. Júk tıeý-jetkizý mashınasynyń mashınısi. Eki balanyń ákesi, kishisi 2 jasta. Jezqazǵan qalasynda turǵan.
5. Ǵalymjan Moldabekov, 46 jasta. Tespe burǵylaýshynyń kómekshisi, tórt balanyń ákesi. Jezqazǵan qalasynda turǵan.
6. Oljas Nurýldaev, 45 jasta. Jerasty ýchaskesiniń energetıgi. Bes balanyń ákesi, eń kishisi úsh jasta. Jezqazǵan qalasynda turǵan.
7. Konstantın Rojkov, 32 jasta. 3-razrıadty jerasty taý-ken qazý jabdyǵynyń elektr mamany, montajdaýshy. 1 balanyń ákesi. Qaraǵandy qalasynda turǵan.
«Qazaqmys» kompanııasy qaza bolǵan jumysshylardyń otbasyna jerleý rásimderi úshin 2 mıllıon teńge jáne jumyskerdiń ortasha jyldyq jalaqysynyń 10 eselengen mólsheri beriletinin habarlady.
Sondaı-aq asyraýshysynan aıyrylý jaǵdaıyna baılanysty aı saıynǵy tólemder, balalardyń oqý aqysyn tóleý, qaza tapqan jumysshylardyń nesıe jáne qaryzdaryn jabý, sondaı-aq otbasy músheleriniń ótinishi boıynsha basqa da kómek túrleri qarastyrylyp otyr.
