Foto: Katonqaraǵaı aýdanynyń ákimdigi
Oblystyq basqarmalardan jiberilgen 10 maman 25 jeltoqsanda О́rel, Arshaty, Berel, Jambyl, Qaıyńdy, Qyzyl Juldyz, Aqqaınar, Eńbek, Shyńǵystaı, Jańaúlgi, Qabyrǵa aýyldarynda, 26 jeltoqsan kúni Katonqaraǵaı, Belqaraǵaı, О́rnek,Topqaıyń, Barlyq, Korobıha,Aqsý aýyldarynda bolyp, turǵyndarymen kezdesý ótkizgen.
Kezdesý barysynda aýdanda jumysty 8: 00-de bastaý usynysynyń oń - teris tusy saralanyp, turǵyndar pikiri tyńdalǵan.
Daýys berý kezinde aýdan halqynyń basym bóligi jumys ýaqytyn 8: 00-de bastaýǵa kelisken.
«2024 jyldyń 30 jeltoqsandaǵy aýdan ákiminiń nómiri 49-shy ókimimen 2025 jyldyń 05 qańtarynan bastap Katonqaraǵaı aýdany ákimi apparatynyń, aýyldyq okrýgterdiń, derbes bólimderdiń qyzmetkerlerine bes kúndik jumys aptasy ornatylýymen, jumys ýaqyty 08.00.saǵattan bastap 17.30. saǵatqa deıin, túski úzilis 12.00. saǵattan bastap 13.30. saǵatqa deıin belgilendi», delingen habarlamada.
Katonqaraǵaı aýdanynyń ishki saıasat, mádenıet, tilderdi damytý jáne sport bóliminiń basshysy G. Jaksylykova ózgeris aýdandaǵy jumys ónimdiligin arttyryp, tabıǵı ortaǵa, jergilikti halyqtyń ómir saltyna jáne ekonomıkalyq belsendilikke saı keletin paıdaly sheshim bolatyna senim bildirdi.
