Foto: Úkimettiń baspasóz qyzmeti
«Báıterek» UBH basqarma tóraǵasy Rýstam Qaraǵoıshın ekonomıkanyń shıkizattyq emes sektoryn jalpy quny 4,09 trln teńgege qarjylandyrý boıynsha qabyldanǵan sharalar týraly baıandady.
«О́tken jylmen salystyrǵanda qoldaý kólemi 52%-ǵa artty. Barlyǵy 58 myńǵa jýyq kvazımemlekettik sektor sýbektilerine jatpaıtyn jeke kompanııalar men uıymdar qamtyldy. Memlekettik qoldaý sharalaryn arttyrý nátıjesinde óńirlerde 6 myńnan astam jańa jumys orny ashyldy. О́ndirýshiler 7,3 trln teńgeniń ónimin shyǵardy jáne qyzmet kórsetti. Sondaı-aq eksport kólemi úshten bir esege artyp, 1,046 trln teńgeden asty», delingen habarlamada.
Sonymen qatar, elimizdiń agroónerkásip keshenin damytýǵa erekshe kóńil bólinip jatyr. Osylaısha, holdıng quraldary jáne onyń qurylymdary arqyly sharýalar 10,5 myń danadan astam aýyl sharýashylyǵy tehnıkasy men qural-jabdyqtaryn satyp alǵan.
Sondaı-aq kóktemgi egis jáne jıyn-terim jumystaryn naryq jaǵdaıynda oblıgasııalyq qaryzdardy tartý esebinen qarjylandyrý baǵdarlamasy iske qosyldy. «Jasyl» ekonomıkany damytý maqsatynda energetıka salasynda quny 14,5 mlrd teńgeni quraıtyn 3 joba qoldaý tapqan.
Premer-mınıstrge «Báıterek» UBH» AQ kompanııalar tobynyń taýarlaryn, jumystary men qyzmetterin satyp alýdaǵy ishki qun úlesin arttyrý boıynsha qabyldanyp jatqan sharalar týraly baıandaldy.
«Jumystarda úles 2023 jyly 97,9%-dan 2024 jyly 99,9%-ǵa deıin, qyzmetterde 94%-dan 96%-ǵa deıin, taýarlarda 3%-dan 48%-ǵa deıin ósken. «Báıterek» UBH» AQ kompanııalar toby boıynsha ótken jyly satyp alýdyń jalpy kólemi 54 mlrd teńgeni qurady. Bul rette otandyq óndirýshilerden 46 mlrd teńgege nemese 85%-ǵa taýarlar men jumystar jáne kórsetiletin qyzmetter satyp alyndy», delingen habarlamada.
