Photo: Freepik
Baǵdarlama orta bilim berý uıymdarynda bilim alýshylar arasynda zorlyq-zombylyqtyń aldyn alýǵa baǵyttalǵan. Onyń tájirıbelik aprobasııasyna elimizdiń 9 óńirinen 50 mektep qatysyp jatyr.
⠀
Baǵdarlamany iske asyrýǵa 5500-den astam pedagog pen 70 myń oqýshy tartyldy.
⠀
Baǵdarlamany iske asyrý josparyna sáıkes pılottyq uıymdarda ákimshilik qyzmetkerler men pedagogter oqytylyp, mektepterdegi psıhologııalyq ahýalǵa dıagnostıka júrgizildi jáne býllıngke qarsy komandalar quryldy.
«Baǵdarlama aıasynda býllıngtiń aldyn alýǵa baǵyttalǵan kóptegen is-shara ótkizildi: tehnıkalyq personaldy oqytý, pedagogter úshin semınarlar men trenıngter, ata-analarmen kezdesýler. Eń aýqymdy is-sharalar 6152 mektep pen 2,1 mıllıon oqýshyny qamtyǵan «DosbolLIKE – dostyq qolyn soz» respýblıkalyq aksııasy, sondaı-aq respýblıka kóleminde 750 myń oqýshy qatysqan «Meniń mektebim býllıngke qarsy» respýblıkalyq fleshmoby boldy.
⠀
Sondaı-aq osy bastamamen oqýshylar arasynda ózara túsinistik pen qoldaý mádenıetin qalyptastyrýǵa baǵyttalǵan 16 myń is-shara ótkizildi. Baǵdarlamanyń is-sharalary tájirıbe júzinde balalar men pedagogterdiń býllıngtiń aldyn alýdyń mańyzdylyǵy týraly habardarlyǵyn arttyrýǵa, olardyń áleýmettik daǵdylaryn damytýǵa kómektesedi», deıdi «О́rken» BÁAUǴPI» KeAQ prezıdentiniń m.a. atqarýshy Elena Sakenova.
Pedagogter men ata-analarǵa arnalǵan semınarlar men sheberlik synyptary, balalardyń ózderi iske asyratyn áleýmettik jobalar olardyń bilim berý ortasyndaǵy býllıngtiń aldyn alý prosesine qatysýyn arttyryp qana qoımaı, bilim berý uıymdaryndaǵy áleýmettik-psıhologııalyq ahýaldy aıtarlyqtaı jaqsartady.
⠀
Aıta ketý kerek, 2025 jyly «О́rken» BÁAUǴPI baǵdarlamany júzege asyrý aýqymyn keńeıtip, býllıng monıtorıngi men dıagnostıkasynyń jańa tásilderin engizýdi, pedagogter men mektep psıhologteriniń biliktiligin arttyrý jumystaryn jalǵastyrýdy josparlap otyr.
