Aımaqtar • 24 Aqpan, 2025

Eki oblysta kólik qozǵalysyna shekteý qoıyldy

90 ret

kórsetildi

1 mın

oqý úshin

«QazAvtojol» kompanııasy qolaısyz aýa raıyna baılanysty eki oblysta kólik qozǵalysyna shekteý qoıylǵanyn habarlady, dep jazady Egemen.kz.

Dana MYRZAQADIR

Eki oblysta kólik qozǵalysyna shekteý qoıyldy

Foto: azattyq-ruhy.kz

Shekteý Qostanaı, Aqmola oblysyndaǵy birneshe respýblıkalyq mańyzy bar jolǵa saǵat 12: 30-dan bastap engizildi.

Qostanaı oblysyndaǵy «Qostanaı - Áýlıekól - Surǵan» avtojolynyń 8-232 shaqyrym aralyǵy, ıaǵnı Tobyl qalasy - Aqmola oblysynyń shekarasyna deıingi jol jabyq.

Aqmola oblysynda «Qostanaı - Áýlıekól - Surǵan» avtojolynyń 232-260 shaqyrym aralyǵynda (Qostanaı oblysynyń shekarasy - Surǵan aýyly) kólik qozǵalysy shektelip otyr.
Sondaı-aq, osy óńirdegi «Jaqsy - Esil - Buzylyq» avtojolynyń 71-82 shaqyrym aralyǵy (Aqsaý aýyly - Buzylyq aýyly), «Jezqazǵan - Petropavl» avtojolynyń 536-553 shaqyrym aralyǵy (Buzylyq aýyly - Surǵan aýyly) barlyq kólik túri úshin jabyq.
«QazAvtojol» málimetinshe, jol ýchaskelerin 24 aqpan saǵat 20:00-de ashý josparlanyp otyr. Buǵan deıin Jetisý oblysynda jol jabylǵanyn jazǵanbyz.