Foto: kaznovosti.kz
Bankter ıpotekaǵa suranystyń artýyn qurylys kompanııalarymen aradaǵy seriktestiktiń jalǵasýy jáne jekelegen bank tarapynan jańa ónimniń shyǵýymen túsindiredi. Ekinshi jaǵynan, suranysty tejeıtin faktorlar ishinde jeke bankter ıpotekalyq nesıeleý portfelin ósirmeı, kepilmen qamtamasyz etý qunyna qatań talaptardy ustanǵanyn atap ótýge bolady.
Tutynýshylyq nesıege suranys azdap tómendegen. Bankter bul úrdisti syıaqy mólsherlemesiniń joǵarylaýymen baılanystyryp otyr. Sonymen qatar, jekelegen bank tarapynan kepil múlkin baǵalaý kórsetkishi ózgergendikten kepil talaptary qatańdaı túskeni sezilip otyr.
Kepilsiz tutynýshylyq qaryz alýǵa ótinimder sany 20,2 mln-dy quraǵan, bul ótken toqsandaǵydan 2%-ǵa az.
2024 jyly avtokredıtke suranys arta túsken. Bul kóbine avtosalon-seriktester tarapynan marketıngtik sheshimder jáne olar ishinara sýbsıdııalaıtyn birqatar naýqandyq ónimderdi usynýy sebebinen artqan.
Bankter 2025 jyldyń basynan avtokredıtke suranys artady dep boljap otyr. Al ıpotekalyq qaryzdar men kepil arqyly beriletin tutynýshylyq qaryzdar boıynsha suranys azdap tómendeıdi, al kepilsiz qaryzdar boıynsha suranys ótken jyldyń sońyndaǵy deńgeıde qalady.
Ulttyq banktiń 2024 jyldyń IV toqsanynda kredıtteý boıynsha bankter arasynda júrgizilgen saýalnamasyna ekinshi deńgeıli 19 bank qatysqan.
