Sýret: gov.kz
Saran ındýstrıaldy aımaǵyndaǵy «Silk Road Electronics» JShS alańynda ótken mańyzdy jıynǵa komıtet tóraǵasy Sultanbek Mákejanov bastaǵan Senat depýtattary, ónerkásip jáne qurylys mınıstrligi men ulttyq ekonomıka mınıstrliginiń basshylary, Qaraǵandy oblysy ákimdigi men jergilikti kásiporynnyń jetekshileri qatysty.
Alqaly basqosýdyń barysynda «Saran» ındýstrııalyq aımaǵyn damytýdyń aldaǵy josparyn, salyq saıasaty, salyq jeńildiginiń tıimdiligi talqylandy. Sonymen qatar ónerkásip jobalaryn iske asyrý, bolat qubyrlar óndirisi men metall buıymdardy myryshtaý isi, qaıta óńdeýdegi tıimdilik týrasynda da pikir ortaǵa salyndy.
Bıznes ókilderi tarapynan máseleler de ashyq aıtylyp, olardy sheshý tetikteri talqylandy. Ármen qaraı jıynda aıtylǵan usynys tóńireginde de jumystar atqarylady.
Sonymen qatar meımandar «Tengri Tyres» jáne «Qaztehna» seriktesteri sekildi ındýstrııalyq aımaqtyń jetekshi kásiporyndarynda bolyp, óndiris qýatymen, ónerkásip áleýetimen tanysty.
Qaraǵandy oblysy
