Foto: Abaı oblysynyń ákimdigi
Qazirgi tańda oqıǵaǵa qatysty sotqa deıingi tergeý amaldary bastalǵan.
«Kámeletke tolmaǵandardyń quqyqtaryn qorǵaý jónindegi komıssııanyń sheshimimen janjalǵa qatysqan tórt oqýshyny arnaıy mektepke jiberý usynyldy. Sonymen qatar bala tárbıesine nemquraıly qaraǵany úshin olardyń ata-analaryn ata-ana quqyǵynan aıyrý týraly talap-aryz berildi. Ákimshilik jáne qylmystyq quqyq buzýshylyqtar boıynsha oqýshylardyń zańdy ókilderi jaýapqa tartyldy. Jábirlenýshige oblystyq psıhologııalyq qoldaý ortalyǵynyń mamandary kómek kórsetip jatyr», delingen habarlamada.
Aıta keteıik, Abaı oblysynyń Bilim basqarmasy janynan arnaıy monıtorıngtik top qurylǵan. Qazirgi ýaqytta basqarma tarapynan qyzmettik tekseris júrgizilip jatyr. Onyń qorytyndysy boıynsha mektep basshylyǵynyń tárbıe jáne baqylaý jumysyndaǵy jaýapkershiligi qaralady.
Oblys ákimi jıyn barysynda mundaı oqıǵalardyń qaıtalanbaýy úshin aldyn alý jumysyn kúsheıtýdi tapsyrdy.
«Oblystaǵy barlyq mektep qatań baqylaýda bolýy tıis. Bilim basqarmasy quqyq qorǵaý organdarymen birge oqýshylarmen jáne olardyń ata-analarymen túsindirme jumystaryn júıeli túrde júrgizý qajet. О́ńirdegi mektepterdiń qaýip-qater kartasy jasalyp, osyndaı jaǵdaılar kezinde jedel ári úılesimdi áreket etýge arnalǵan naqty is-sharalar algorıtmi daıyn bolýy kerek», dedi Berik Ýálı.
Sonymen qatar oblys ákimi oqıǵaǵa baılanysty qyzmettik tekseris júrgizip, jaýapty tulǵalardy tártiptik jaýapkershilikke tartýdy tapsyrdy.
