Foto: karmod.kz
Sol jyly Turǵyn úı basqarmasy ony jáne onyń otbasyn basqa baspana bermeı, turyp jatqan úıinen shyǵarý týraly sheshim qabyldap, jalǵa alý merzimin uzartýdan bas tartqan.
Basqarma onyń sońǵy 5 jyl boıyna tıesili turǵyn úıdi ıelikten aıyrýyn alǵa tartqan.
Astana turǵyny Turǵyn úı basqarmasynyń ústinen turǵyn úı komıssııasynyń sheshimin zańsyz dep taný jáne onyń bir bóliginiń kúshin joıý jáne jańa merzimge jalǵa berý shartyn jasasý týraly talap qoıýmen sotqa júgingen.
MAÁS-y jáne apellıasııa talap qoıýdy qanaǵattandyrǵan.
Turǵyn úı basqarmasy bul sheshimge kassasııalyq tártipte shaǵym túsirdi.
Joǵarǵy Sottyń ákimshilik ister jónindegi sot alqasy isti zertteı kele, elorda ákimdiginiń turǵyn úı komıssııasynyń talap qoıýshynyń quqyqtary men múddelerine qatysty sheshiminiń zańsyzdyǵyn kórsetti.
Páter talap qoıýshyǵa ratıfıkasııalanǵan Kelisimge sáıkes basqa memleketterdiń aýmaǵyndaǵy áskerı is-qımyldarǵa qatysýshy, ardager mártebesi bar jaýynger - ınternasıonalıst retinde berilgeni, ol basqa turǵyn úımen qamtamasyz etilmeı shyǵarylmaıtyny atap ótilgen.
Talap qoıýshyǵa qyzmettik páter berilgenge deıin Astana qalasynyń ákimdigi soǵys ardagerine teńestirilgen tulǵa retinde turǵyn úı salý jáne paıdalaný úshin elordanyń shetinen 0,1 gektar jer telimin bergen. Jer telimi olar tarapynan ulyna syıǵa tartý sharty boıynsha ıelikten shyǵarylǵan.
Talap qoıýshy kóptegen marapattarǵa, sonyń ishinde memlekettik marapattarǵa ıe, jasy boıynsha zeınetker, halyqtyń áleýmettik osal tobyna jatady jáne basqa turǵyn úıi joq.
Osylaısha, jergilikti sottardyń talap qoıýdy qanaǵattandyrý týraly qorytyndylary zańdy jáne negizdi, senim quqyǵyn qorǵaý, ákimshilik is júrgizýdiń zańdylyǵy men ádildigi qaǵıdattaryna sáıkes keledi.
Joǵarǵy Sot is boıynsha shyǵarylǵan sot aktilerin kúshinde qaldyrdy jáne Turǵyn úı basqarmasynyń shaǵymyn qanaǵattandyrýsyz qaldyrdy.
