Túrkistanda týrızm qarqyndy damyp kele jatqanyn tilge tıek etken Z.Joldasov kezdesý ekijaqty yntymaqtastyq úshin jańa múmkindikter ashyp, ortaq jobalardy júzege asyrýǵa serpin beretinin atap ótti. «Sizdiń medıa salasyndaǵy mol tájirıbelerińiz jáne yqpalyńyz biz úshin óte mańyzdy. Túrkistan oblysy – elimizdiń tarıhynda aıryqsha orny bar, mádenıet pen dástúrdi saqtap, damý men jańǵyrý jolynda úlken qadamdar jasap kele jatqan óńir. Búginde biregeı tarıhı jáne mádenı eskertkishtermen, kórkem tabıǵı landshafttarmen jáne saýyqtyrý keshenderimen týrısterdiń qyzyǵýshylyǵyn arttyrýda. Biz oblysymyzdy álemdik deńgeıde tanytý maqsatynda halyqaralyq seriktestermen áriptestik ornatyp, jańa bastamalardy júzege asyrýǵa daıynbyz», dedi Zulpyhar Joldasov.
О́z kezeginde О́mer Kablan Túrkistan jaıly jobasyn tanystyryp, medıa salasynda tájirıbe almasýǵa daıyn ekenin jetkizdi. «Eki elge bir-birimizdiń mádenıetimizdi keńinen tanystyrýǵa daıynbyz. Sonymen qatar Túrkistandy álemge tanytý baǵytynda úlken jobalar bar. Alǵashqy bastama retinde Túrkistannyń mádenıeti men dástúri, halqynyń kúndelikti turmys-tirshiligi, qyzyqty derekter men týrıstik nysandar týraly zaman talabyna saı fılm túsirýdi kózdep otyrmyz. Fılmderge birneshe tilde dýblıaj jasaýǵa múmkindigimiz bar. Túrkistandy álemge tanytý úshin úzdik medıa platformalarymyzdy paıdalanamyz. Odan bólek, oqytý jáne tájirıbe almasý semınarlaryn uıymdastyrýdy josparlap otyrmyz», dedi medıa kompanııa ókili.
Kezdesý barysynda Túrkistan oblysy ákimdigi men Túrkııanyń «Albayrak Media Group» kompanııasy arasyndaǵy áriptestikti nyǵaıtý týraly memorandýmǵa qol qoıyldy. Bul qujat eki el arasyndaǵy ekonomıkalyq-mádenı baılanystarǵa jańa serpin beredi dep kútilýde. «Albayrak Media Group» – Túrkııadaǵy eń yqpaldy medıa holdıngterdiń biri jáne eldiń aqparattyq keńistiginde mańyzdy ról atqaratyn kompanııa.
TÚRKISTAN
