2023–2025 jyldarǵa arnalǵan nashaqorlyq pen esirtki bıznesine qarsy kúres jónindegi keshendi jospar aıasynda sot-saraptama organdaryn materıaldyq-tehnıkalyq jabdyqtaý maqsatynda respýblıkalyq bıýdjetten 10,3 mlrd teńge bólindi.
Alaıda, 2023–2024 jyldary Sot saraptamalary ortalyǵynyń laýazymdy tulǵalary múddeli toppen aldyn-ala kelisip, bıýdjet ótinimin qalyptastyrý kezinde jalǵan kommersııalyq usynystar usyný arqyly jabdyqtyń qunyn úsh ese arttyrǵan.
Budan bólek, memlekettik satyp alý konkýrsy jarııalanbaı turyp, tehnıkalyq sıpattamalarda tek ózderi tanıtyn kompanııalar ǵana usyna alatyn jabdyqtar kórsetilgen.
«Múlikti tárkileý maqsatynda jalpy quny 148 mln teńgeden asatyn Almaty qalasyndaǵy 2 jer telimi, Astana qalasyndaǵy páter jáne BMW H6 men RAV 4 avtokólikterine tyıym salyndy», dep habarlady QMA baspasóz qyzmeti
Sonymen qatar, bank esepshottaryndaǵy 1,6 mıllıard teńge, 367 myń AQSh dollary jáne 366 myń eýro somasyndaǵy kompanııanyń aqsha qarajaty buǵattaldy.
Quqyqtyq saraptama ortalyǵynyń dırektory, memlekettik satyp alý departamentiniń basshysy jáne JShS basshysy ustalyp, sot olardy 2 aıǵa qamaýda ustaý jóninde sheshim qabyldady.
QR Konstıtýsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.
Sotqa deıingi tergeý jalǵasýda.
