Oqıǵa • 04 Naýryz, 2025

Elordada «Naýryznama» onkúndigi ótedi

92 ret

kórsetildi

1 mın

oqý úshin

Astana qalasy bıylǵy Naýryz meıramyn erekshe aýqymda atap ótpek. Qalalyq Ishki saıasat basqarmasynyń habarlaýynsha, 14-23 naýryz aralyǵynda elordada «Naýryznama» onkúndigi ótedi. Bul kúnderi 200-den astam merekelik is-shara uıymdastyrylady, dep habarlaıdy Egemen.kz.

Qyrmyzy JUMAǴALIQYZY

Foto: Ashyq derekkóz

Negizgi merekelik baǵdarlamalar 21-22 naýryzda qalanyń alańdarynda, sondaı-aq 14 turǵyn alapta ótedi. Aýdan ákimdikteri men Mádenıet basqarmasynyń qoldaýymen konserttik baǵdarlamalar, ulttyq oıyndar, jármeńkeler men teatrlandyrylǵan qoıylymdar uıymdastyrylady.

Sonymen qatar, elordalyqtar men qonaqtar úshin qolóner kórmeleri, ulttyq taǵamdar festıvalderi, sporttyq jarystar jáne Naýryzdyń dástúrli salt-dástúrlerin nasıhattaıtyn sharalar qarastyrylǵan.

Aıta keteıik, Naýryz meıramyna jumsalatyn qarjy jergilikti bıýdjetten jáne demeýshilerdiń qoldaýymen qamtamasyz etiledi. Qazirgi ýaqytta is-sharalardy ótkizýge qajetti qarajat kólemi naqtylanyp jatyr.

Bıylǵy Naýryz elordalyqtar úshin keń aýqymdy baǵdarlamamen, túrli mádenı jáne oıyn-saýyq is-sharalarymen erekshelenbek. Ulttyq meıramdy joǵary deńgeıde atap ótý úshin qala ákimdigi barlyq qajetti daıyndyq jumystaryn júrgizip jatyr.