Foto: instagram.com/rakhatbalabaqsha
Bul maqsatqa jetý úshin 2025 jylǵa deıin 64 myń jańa oryn ashý josparlanǵan. 2024 jyldyń basynan beri 1,6 myń oryndyq 20 mektepke deıingi uıym iske qosylǵan. Jalpy, 2027 jylǵa deıin mektepke deıingi uıymdarda qosymsha 300 myń oryn ashý kózdelgen. Búginde Qazaqstanda 11,6 myń balabaqshaǵa 1 mıllıonǵa jýyq bala barady.
«Vaýcherlik qarjylandyrý júıesi iske qosylǵan sátten bastap ata-analarǵa 99 myń vaýcher berildi, bul olar úshin balabaqshany óz betinshe tańdaý múmkindigi. Memlekettik qarajattyń belgili bir uıymǵa emes, naqty balaǵa baǵyttalyp jumsalýy – qarjylandyrý mehanızmin jarııaly etedi. Pılottyq jobaǵa Taraz, Túrkistan, Shymkent, Oral jáne Astana qalalary qatysýda. О́ńirlerdiń daıyndyǵyna qaraı baǵdarlama keńeıtiletin bolady», dedi QR oqý-aǵartý mınıstrliginiń Mektepke deıingi bilim departamentiniń dırektory Manar Adamova.
Aıta keteıik, mektepke deıingi bilim berýmen qamtýdy arttyrý jumys jasap turǵan balabaqshalardy salý, rekonstrýksııalaý, jańǵyrtý, shaǵyn ortalyqtar sanyn arttyrý, sondaı-aq memlekettik tapsyrysty vaýcherlik qarjylandyrý arqyly engizý esebinen júrgiziledi.
