Foto: KazTAG
Marat Ábıevtiń sybaılastary 8 jylǵa bas bostandyǵynan aıyrylǵan. Sot sheshimi boıynsha aıyptalýshylardyń múlki tárkilenip, olardyń kontrabandalyq jolmen alynǵan 6 mlrd teńgeden astam qylmystyq tabysy tárkilengen.
Buǵan deıin agenttik Marat Ábıev pen onyń sybaılastary — Anton Novıskıı, Janibek Darıbaev, Evgenıı Grebnev, Amanaı Mahmetov — qatysty aldyn ala tergeý aıaqtalǵanyn habarlaǵan edi.
Esterińizge sala keteıik, 2018-2022 jyldar aralyǵynda atalǵan tulǵalar uıymdasqan top quryp, Aqtóbe oblysyndaǵy MО́Z-da EAEO aýmaǵynda kólemi 50,6 myń tonna bolatyn satýǵa tyıym salynǵan «K-2» ekologııalyq klasty dızel otynyn óndirgen. Keıin bul dızel otyny basqa munaı ónimi retinde 11,3 mlrd teńgege satylyp, sonyń ishinde 22,6 myń tonnasy 6,7 mıllıard teńgege shetelge kontrabandalyq jolmen shyǵarylǵan.
Aıta keteıik, munaı ónimderiniń zańsyz aınalymynan túsken qylmystyq tabys arqyly «Genesis» (nemese «Bolashaq sáýletshileri») atty zańsyz qoǵamdyq birlestiktiń qyzmeti qarjylandyrylǵan, ony quryp basqarǵany úshin 2023 jyldyń 21 tamyzynda Marat Ábıev 7 jylǵa bas bostandyǵynan aıyrylǵan bolatyn.
Sot úkimi áli zańdy kúshine engen joq.
