Sýret: malim.kz
Pavlodarda KSRO tólqujatymen júrgender áli de barshylyq. О́ńirlik polısııa departamenti kóshi-qon qyzmetiniń basqarmasy azamattyq jáne ımmıgrasııalyq tobynyń erekshe tapsyrmalar jónindegi aǵa ınspektory, polısııa maıory Almıra Haırýlınanyń aıtýynsha, álgindeı azamattardyń kóbi oblys ortalyǵynda turady.
– Qujaty joq nemese jaramdylyq merzimi ótip ketken tulǵalardyń kóbi bul – 1974 jylǵy KSRO tólqujatymen júrgender nemese kezinde qujatyn joǵaltyp alyp, qalpyna keltirmegender. Zańdyq turǵydan alǵanda olar Qazaqstan azamaty ekenin dáleldeı alýy kerek, bolmaǵan jaǵdaıda azamattyǵy joq tulǵa dep esepteledi. Adamdar kóp jaǵdaıda shalǵaı aýyldarda turyp, qujatyn jańartýǵa mán bermeıdi. Endi biri túzeý mekemelerinde jazasyn uzaq jyldar ótep shyqqan soń eski qujatyn aýystyrmaı júre beredi. Negizgi sebep – azamattardyń qujat máselesine salaq qarap, ýaqytynda resimdeýge nıet tanytpaýy, – dep túsindirdi bul jaǵdaıdyń sebebin Almıra Ábdikárimqyzy.
Kóshi-qon qyzmetiniń mamandary qujatsyz júrgenderdi anyqtaýǵa baǵyttalǵan is-sharalardy turaqty júrgizip keledi. О́tken jyly atqarylǵan júıeli jumys 80-nen asa adam jeke bas kýáliginsiz júrgenin anyqtap berdi. Olardyń 41-i osydan jarty ǵasyr buryn alǵan KSRO tólqujatymen ómir súrip kelgen. Nátıjesinde, 74 adam Qazaqstan azamaty dep tanylyp, tıisti qujatpen qamtamasyz etilgen. Taǵy 7 adamnyń azamattyǵy dáleldenbegeni sebepti olarǵa azamattyǵy joq tulǵa kýáligi berilgen.
– «Adam quqyqtary jáne zańdylyqtyń saqtalýy jónindegi Qazaqstan halyqaralyq bıýrosy» men ózge de úkimettik emes uıymdarmen bul baǵytta turaqty baılanystamyz. Jyl basynan beri taǵy 6 azamat anyqtalyp, kazirgi tańda qujattar tizilimi jınaqtalyp jatyr. Tekseris materıaldary tolyqqandy bolǵannan keıin zańnamaǵa sáıkes sheshim qabyldanyp, qujattaný máselesi sheshiledi. Qalada áleýmettendirý ortalyqtary shoǵyrlanǵandyqtan, mundaı azamattar Pavlodar qalasynda kóp kezdesedi, – jeıdi A.Haırýlına.
Pavlodar oblysy
