Saýda ortalyǵynyń marketıng bóliminiń aǵa menedjeri Andreı Pokotılovtyń aıtýynsha, nysan aýmaǵynda turaqty túrde tazalaý jumystary júrgiziledi. Oǵan trotýarlar men joldardy, avtoturaq aımaǵyn, kireberisti tazartý, vıtrınalardy, kondısıonerdiń syrtqy bloktaryn jýý jáne basqa da jumystar kiredi.
«Biz jyl saıyn «Almaty – ortaq úıimiz» aksııasy aıasyndaǵy ekologııalyq is-sharalarǵa qatysamyz, óıtkeni súıikti qalamyzdyń tazalyǵyna bárimiz múddelimiz. Aksııaǵa SOO-nyń barlyq qyzmetkeri – shamamen 40 adam qatysady. Biz kún saıyn saýda ortalyǵynyń ishin de, aınalasyn da tazalaımyz. Kún jylynǵan soń aǵash otyrǵyzyp, sýburqaqty tolyqtaı jańartýdy josparlap otyrmyz. Jaqynda joǵary sapaly jańa jýý mashınalaryn satyp aldyq, endi tazalaý jumystary burynǵydan da tıimdi ári jyldam júredi. Osyndaı bastamalarǵa qatysý – qalada jaıly jáne ekologııalyq taza orta qalyptastyrýǵa qosqan úlesimiz. Kásiporyn týraly alǵashqy áser onyń aýmaǵyndaǵy tazalyqtan bastalady. Sondyqtan kommersııalyq nysan aınalasyndaǵy keńistikti kúni boıy taza ustaý mańyzdy», dedi marketıng bóliminiń aǵa menedjeri Andreı Pokotılov.
Qaladaǵy kommersııalyq nysandar ekologııalyq jaǵdaıdy jaqsartýǵa jáne turǵyndardyń mádenıetin arttyrýǵa baǵyttalǵan osyndaı bastamalardy ári qaraı da qoldaýdy josparlap otyr.
Aıta keteıik, 1 naýryz ben 1 sáýir aralyǵynda Almatyda «Almaty – ortaq úıimiz» atty aksııa ótýde. Ol tórt kezeńnen turady:
- «Taza kósheler» (1-9 naýryz) – aıaldamalar men jol belgilerin tazalaý, qoqys jáshikterin ornatý, magıstraldardy kórkeıtý;
- «Taza saıabaqtar, skverler men taýlar» (10-16 naýryz) – tabıǵı aımaqtarda senbilikter ótkizý, qoqys jınaý sharalary;
- «Taza aýlalar» (17-23 naýryz) – aýlalardy, balalar jáne sport alańdaryn, kóriktendirý elementterin tazalaý jáne syrlaý, kógaldandyrý, «Úzdik aýla/aýla sypyrýshy/shaǵyn baq» baıqaýyn uıymdastyrý;
- «Bizdiń qala – bizdiń maqtanyshymyz» (24 naýryz – 1 sáýir) – eskertkishterdi kóriktendirý jáne jappaı aǵash otyrǵyzý.
