Oblystyq Polısııa departamentiniń málimetinshe, zamanaýı tehnologııalar qoǵamdyq qaýipsizdikti qamtamasyz etýdiń mańyzdy quralyna aınalyp keledi. Sol jańashyldyqtardyń biri – patrýldik polısııa qyzmetkerleriniń pılotsyz ushý apparattaryn – drondardy qoldanýy.
«Patrýldik polısııa batalonynda drondar belsendi túrde paıdalanylyp jatyr, al alǵashqy nátıjeler bul tehnologııanyń joǵary tıimdiligin kórsetýde.
Drondar polısııaǵa jol qozǵalysyn joǵarydan baqylaýǵa, zańbuzýshylyqtardy jyldam anyqtaýǵa jáne ekıpajdardyń jumysyn úılestirýge múmkindik beredi. Olar jol qozǵalysy erejelerin buzýdy anyqtaýdan bastap basqa da baǵyttarda qoldanylady.
Mysaly qıyn jaǵdaıǵa tap bolǵan júrgizýshilerge tótenshe jaǵdaılarda kómek kórsetý. Drondar jolda qalyp qoıǵan kólikterdi, dóńgelegi jarylǵan nemese tehnıkalyq aqaýy bar mashınalardy bıikten jyldam anyqtaýǵa kómektesedi. Bul der kezinde júrgizýshilerge kómektesýge múmkindik beredi», - delingen PD habarlamasynda.
Sonymen qatar, tas joldarda jıi týyndaıtyn máselelerdiń biri, qaraýsyz júrgen aýyl sharýashylyǵy maldarynyń joldarǵa shyǵyp ketý jaǵdaılaryn anyqtap, aldyn alý.
«Polısııa qyzmetkerleriniń aıtýynsha, pılotsyz apparattar tótenshe jaǵdaılarǵa áreket etý ýaqytyn qysqartyp, patrýldeý kezindegi adamı faktordyń áserin barynsha azaıtýǵa jáne joldarda týyndaıtyn túrli máselelerdiń aldyn alýǵa múmkindik beredi», - dep habarlaıdy oblystyq PD.
