Foto: NUR.KZ/Vladımır Tretıakov
Ulttyq Banktiń esebine sáıkes, naýryz aıynda Ulttyq qordan bıýdjetke shamamen 700-800 mln dollar satylmaq. Sonymen qatar eksporttan túsken 500 mln dollar da naryqqa shyǵarylmaq. Bul sharalar teńge baǵamyn qoldaý úshin qańtar aıynda engizilgen bolatyn. Sondaı-aq kvazımemlekettik sektordaǵy kompanııalar da shetel valıýtasyndaǵy túsimderiniń 50%-yn satýǵa mindettelgen. Aqpan aıynda olar 274 mln dollar aıyrbastasa, naýryzda da osy kólem saqtalýy yqtımal.
Degenmen osy ýaqytta Ulttyq Bank Biryńǵaı jınaqtaýshy zeınetaqy qoryna 250 mln dollar satyp alady. Sarapshylardyń aıtýynsha, bul – teńgege qysym jasaıtyn negizgi faktorlardyń biri. Bas banktiń valıýta satylymy aqpanmen salystyrǵanda tómendeıdi (1,1 mlrd dollardan 1 mlrd dollarǵa deıin), sondyqtan teńge azdap álsirep, dollar baǵamy 505-515 teńge deńgeıinde qalyptasýy múmkin.
Aqpan aıynda teńge 3,7%-ǵa nyǵaıyp, 499,09 teńgege jetken edi. Bul kezde ulttyq valıýtaǵa qoldaý kórsetken birneshe faktor boldy: Ulttyq qordan 600 mln dollar satyldy, eksporttan túsken altyn esebinen 500 mln dollar naryqqa shyǵaryldy, kvazıgossektor 274 mln dollar satty, ári BJZQ-ǵa dollar satyp alynbady. Osy faktorlardyń barlyǵy naryqtaǵy dollar usynysyn arttyryp, teńgeniń nyǵaıýyna sebepker boldy.
Qazirde Qazaqstan qor bırjasynda (KASE) dollardyń ortasha baǵamy 499,74 teńge deńgeıinde tur. Alaıda osy aıda jaǵdaı ózgerýi múmkin. Eger dollar satyp alý josparyńyz bolsa, kýrstyń kóterilýin kútpeı, aldyn ala aıyrbastap alǵan jón. Úlken somany aıyrbastaý qajet bolsa, birneshe bólikke bólip, ártúrli ýaqytta satyp alý strategııasyn qoldanǵan durys. Sondaı-aq senimdi bankter men aıyrbastaý bólimshelerin tańdap, jasyryn komıssııalardan saqtaný kerek.
Naýryzda valıýta naryǵynda aıtarlyqtaı ózgerister bolýy yqtımal. Sondyqtan qarjylyq sheshim qabyldamas buryn, naryqtaǵy jańalyqtardy muqııat qadaǵalaǵan jón.
