Pavlodardaǵy Qazaqstan elektrolız zaýyty «qanatty» metall óndirisin bastaǵannan beri bastapqy alıýmınııdiń mereıli 4 mıllıondyq tonnasyn óndirdi.
«4 mıllıonynshy tonna ónimdi shyǵarý – kásipornymyzdyń jylnamasyndaǵy erekshe oqıǵa. Bul mereıli meje – bizdiń qyzmetkerlerimizdiń eńbegi. Olardyń árqaısysy óndiriske óz úlesin qosyp júr. Bizdiń ujymnyń árbir múshesiniń arqasynda osy jyldar ishinde óndiris tabysty damyp, tıimdi bola tústi. Qazirgi tańda kásiporynda óndiris dástúrlerin laıyqty jalǵastyryp, jańa jetistikterge qol jetkizip júrgen 2 myńnan asa qyzmetker jumys istep jatyr», deıdi «Qazaqstan elektrolız zaýyty» AQ óndiris jónindegi dırektory Murat Jumabaev.
Metallýrgter úshin alǵashqyda tórt mıllıon tonna alıýmınııdi elestetýdiń ózi ǵajaıypqa teń edi. Eger 4 mıllıon paketti bir qatarǵa qoısańyz, Pavlodardan Máskeýge deıingi aralyqqa jol salýǵa bolar edi. Al eger mundaı kólemdi temirjolmen tasymaldar bolsa, onda 65 myń vagonnan turatyn quram qajet bolady.
17 jylda elektrolız zaýyty halyqaralyq standarttardyń barlyq talabyna saı otandyq alıýmınıı shyǵaryp keledi. Zaýyt – elimizdegi jalǵyz bastapqy alıýmınıı óndirýshi. Onyń ónimderi búkil álemde suranysqa ıe. Bizde óndirilgen bastapqy alıýmınııdi kóptegen otandyq kásiporyn, sondaı-aq jaqyn jáne alys shetelderdiń kompanııalary satyp alady.
Mańyzdy oqıǵanyń qurmetine oraı óndiris úderisine úzbeı aralasyp, tórt mıllıonynshy tonna alıýmınıı quıýǵa tikeleı qatysqan qyzmetkerler Alǵyshattarmen marapattaldy. Solardyń biri – alıýmınıı óndirisindegi avtomattandyrylǵan úderistiń operatory Ádilbek Jańabaev.
«Men árbir mıllıondyq tonnany quıýǵa qatystym. Osymen tórtinshi ret mıllıonynshy tonnany jóneltip otyrmyn. О́z qolymyzben jáne kóz aldymyzda kásiporynnyń tarıhy jazylyp jatyr. Bul sát – biz úshin aýqymdy mereke, zor maqtanysh. Meniń aýysymymdaǵy áriptesterimmen mereıtoılyq is-sharaǵa qatysý qurmetine ıe boldyq. Metallýrg retinde erekshe tolqyp turmyn. О́ıtkeni biz óz qolymyzben eldiń metallýrgııa ónerkásibiniń tarıhyn jasap jatyrmyz», deıdi ol.
Aıtyp óteıik, zaýyttyń birinshi kezegi iske qosylǵan 2007 jyldyń sońyna qaraı metallýrgter 11 myń tonna bastapqy alıýmınıı óndirgen. 2010 jyly óndiristiń ekinshi kezegi iske qosylǵan kezde kásiporyn jobalyq qýat – 250 myń tonnaǵa jetti. Jyl saıyn óndiris dınamıkasy ósip, zaýyt qazirdiń ózinde 264,5 myń tonna «qanatty» metall berýge qabiletti.
Pavlodar oblysy
