Foto: Ashyq derekkóz
Mınıstrdiń aıtýynsha, TikTok «Otbasylyq baptaýlar» bóliminde ata-analarǵa balalarynyń qosymshaǵa kirý ýaqytyn shekteýge múmkindik beretin jańa fýnksııany iske qosýdy josparlap otyr. Sondaı-aq, platforma saǵat 22:00-den keıin jasóspirimderdiń nazaryn demalysqa aýdarýǵa kómektesetin arnaıy múmkindikti engizbek.
«TikTok jasóspirimderdiń qaýipsizdigi men ata-analardyń baqylaý júıesin odan ári jaqsartýda. Platforma jasóspirimder úshin qaýipsiz onlaın keńistik qurýǵa jáne ata-analarǵa balalarynyń TikTok-taǵy belsendiligin basqarýǵa kómektesetin jańa múmkindikterdi iske qosqanyn habarlaıdy. Atap aıtqanda, TikTok «Otbasylyq baptaýlar» bóliminde ata-analarǵa jasóspirimderdiń qosymshaǵa qoljetimdiligin belgili bir ýaqyt aralyǵynda shekteýge múmkindik beretin jańa fýnksııany iske qosýdy josparlap otyr. Sondaı-aq, platforma saǵat 22.00-den keıin TikTok-ty paıdalanatyn jasóspirimderdiń nazaryn aýdaryp, tynyǵýyna kómektesetin jańa múmkindikti iske qospaq», dedi Aıda Balaeva.
Sonymen qatar ol TikTok-taǵy ata-analardyń baqylaý júıesiniń bir bóligi bolyp tabylatyn «Otbasylyq baptaýlardyń» iske qosylǵanyna bes jyl bolǵanyn atap ótti.
«Osy jyldar ishinde ata-analardyń keri baılanysy men sarapshylardyń usynystaryn eskere otyryp, TikTok jańa fýnksııalardy birneshe ret eńgizip otyrdy. Bul joly TikTok qoldanbasynyń ázirleýshileri «Demalys» degen jańa fýnksııany qosty. Ol qosymshany belgili bir ýaqytqa buǵattaýǵa múmkindik beredi», dedi mınıstr.
- Balalaryna TikTok-qa qol jetkizýdi shekteý ýaqytyn belgileı alady, mysaly, oqý ýaqytynda nemese túngi ýaqytta.
- Sıfrly detokstqa qol jetkizý úshin qaıtalanatyn kesteni ornata alady.
- Shekteý qoıylǵan ýaqyt aralyǵynda jasóspirimniń TikTok-ty qoldaný suranysyn qabyldaı alady.
- Oǵan qosa «Otbasylyq baptaýlardyń» jańa fýnksııasy ata-analarǵa balalarynyń akkaýnttary týraly tolyq aqparat alýǵa múmkindik beredi. Endi ata-analar:
- Balalarynyń TikTok-ta kimderdi baqylap otyratynyn jáne olardyń akkaýntyna kimder jazylǵanyn kóre alady.
- Qandaı qoldanýshylardyń akkaýnttaryn buǵattaǵanyn bile alady.
