Qaıǵyly oqıǵa byltyr 10-shy qarashada Esil aýdanynyń Iаvlenka aýylynda bolǵan. 30 jastaǵy jigit óz anasyn uryp óltirip, keıin qylmysyn jasyrý úshin úıge órt qoıǵan.
Atalǵan is SQO qylmystyq ister jónindegi mamandandyrylǵan aýdanaralyq sotynda jabyq jaǵdaıda qaraldy. О́ıtkeni, aıyptalýshynyń psıhıkalyq aýytqýy bar. Ol birden Almaty oblysyndaǵy emdeý mekemesine jiberilgen. Sondyqtan úkim oqylǵanda sot zalynda bolǵan joq. Tek onyń zańdy ókili ǵana qatysty.
«Sot qaýlysymen Konstantın Belopýhov 99-baptyń 2-bóligi 5-tarmaǵy, 108-baptyń 1-bóligi, 202-baptyń 2-bóligi, 1-tarmaǵynda kózdelgen qaýipti áreketterdi aqylsyz kúıde jasaǵany úshin qylmystyq jaýaptylyqtan bosatylady. QR QK-niń 16-babyna sáıkes ol Almaty oblysy Talǵar aýdany Aqtas kentinde ornalasqan mamandandyrylǵan psıhıatrııalyq stasıonarǵa jiberildi. Oǵan emdeý túrindegi medısınalyq sıpattaǵy májbúrleý sharalary taǵaıyndalsyn», — dedi úkimdi oqyǵan SQO qylmystyq ister jónindegi mamandandyrylǵan aýdanaralyq sotynyń sýdıasy Erlan Nursharypov.
Keıin shyǵarylǵan sheshimdi túsindirgen Erlan Nursharypov Konstantın Belopýhovtyń sozylmaly psıhıkalyq aýrýmen aýyrǵanyn aıtty. Ony júrgizilgen saraptama qorytyndysy da kórsetken. Iаǵnı, ol qylmys jasaǵan ýaqytta óz áreketterine esep bere almaǵan.
Aıta keteıik, 30 jastaǵy Konstantın Belopýhov anasyna qonaqqa kelgen. Ol Reseıdiń Omby qalasynda turady.
