Qasym-Jomart Toqaev elimizde salyqtyń túrli rejimi, kóptegen jeńildik pen preferensııa baryn jetkizdi.
«Onyń bári elimizde salyq ofshory sııaqty ahýal qalyptastyrdy. Kásipkerlerdiń eki negizgi toby paıda boldy. Olar – zańnamadaǵy olqylyqtardy paıdalanyp, salyq salynatyn tabysyn ózi úshin azaıtyp kórsetetinder jáne barlyq salyqty adal tóleıtinder. Kásipkerlerdiń osy ekinshi toby básekege tótep bere almaı jatyr.Úkimet salyq tóleýden jaltarý úshin bıznesin bólshekteıtinderdiń áreketine oryndy nazar aýdardy. О́kinishke qaraı, mundaı jaǵdaı jappaı beleń alǵan», dedi ol.
Sondaı-aq Prezıdent zańnamadaǵy olqylyqtar bıznesti bólshekteýge jol berip otyrǵanyn moıyndaý kerek ekenin aıtty.
«Bul máselege Úkimet te, depýtattar da jete mán bermegen.Taǵy da ádemi kórsetkishterge áýestenip kettik: elimizde eki mıllıonnan astam salyq tóleýshi, ıaǵnı jeke kásipkerler men zańdy tulǵalar tirkelgen desedi. Biraq olardyń qandaı kásiporyndar ekenine, qalaı paıda bolǵanyna, qansha salyq tóleıtinine, tipti ony tólep jatyr ma, joq pa degenge esh taldaý jasalmaǵan. Biraq qur kinálaýdan is ońǵa baspaıdy. Endi ahýaldy shuǵyl túzetý qajet. Úkimet pen Parlamentke aıtarym – zańnamaǵa jedel túrde tıisti túzetýlerdi engizý kerek», dedi Memleket basshysy.
