Foto: Ashyq derekkóz
Prezıdenttiń aıtýynsha, táýelsizdik jyldary klassıkalyq jáne zamanaýı mýzykaǵa arnalǵan sáýletti ǵımarattar salynyp, kóptegen teatr ashyldy. Búginde Qazaqstanda 46 aımaqtyq teatr jumys isteıdi. Alaıda, olardyń jaǵdaıy ártúrli.
«Mysaly, Semeıde bir ǵımaratta úsh birdeı teatr syǵylysyp otyr. Ásirese, aımaqtarda teatrlardy damytýǵa basa nazar aýdarý kerek. Halqymyzdyń mádenı áralýandyǵyn saqtaýǵa múmkindik beretin orys jáne basqa da ulttyq teatrlardy qoldaý mańyzdy», dedi Memleket basshysy.
Prezıdent sondaı-aq, orys jáne basqa da ulttyq teatrlardy qoldaý arqyly elimizdiń mádenı áralýandyǵyn saqtaý mańyzdy ekenin atap ótti. Sonymen qatar qazirgi tańda elimizde jeke teatrlar da tabys ákelip, ónerdiń bul túrin damytýdyń tıimdi joldaryn kórsetip otyr.
«Elimizde ónerdiń bul túri de tabys ákeletinin dáleldep júrgen jeke teatrlar az emes. Sondyqtan bıznes ókilderin aımaqtaǵy teatrlarǵa belsene qoldaý kórsetýge shaqyramyn», dedi Qasym-Jomart Toqaev.
Memleket basshysy jastardyń teatr ónerine qyzyǵýshylyǵy artyp, qoıylymdardyń bıletteri birneshe apta buryn satylyp ketýi – bul salanyń damý qarqynyn kórsetetinin atap ótti.
