Oqyrmandar qala kitaphanalarynyń saıtynan qalaǵan kitabyn tańdap, qashyqtyqtan tapsyrys bere alady. Kitaphanashylar bir-eki kún ishinde tapsyrysty qarastyryp, Iаndeks Go servısi arqyly kitapty tegin jetkizip beredi.
Almaty ortalyqtandyrylǵan kitaphanalar jelisiniń dırektory Meıram Bektembaev atap ótkendeı, joba múmkindigi shekteýli azamattardyń qalaǵan kitabyna qoljetimdiligin arttyrady. Qanatqaqty joba bıyl mamyr aıynyń sońyna deıin jalǵasady.
Eger kitapqa degen suranys artatyn bolsa, basqa sanattaǵy azamattarǵa da jetkizý jaǵy qarastyrylady. Nátıjesinde kitaphanalar qorynyń qala turǵyndaryna qoljetimdiligin arttyrý jumystary jaz aılarynda da jalǵasyp taýyp, bul qyzmet túrin aqyly iske asyrý da kózdelip otyr. Sıfrly qyzmet túrlerin damytý maqsatynda qolǵa alynǵan joba oqyrmandar qatarynyń artýyna yqpal etetini anyq.
ALMATY
