Foto: Oqý-aǵartý mınıstrliginiń baspasóz qyzmeti
Baǵdarlama aıasynda «Qamqor», «Shabyt», «Smart bala», «Eńbegi adal – jas óren», «Ushqyr oı alańy», «Balalar kitaphanasy» atty 6 iri joba iske asyrylyp, 4 mıllıonǵa jýyq oqýshyny qamtyp, qundy tárbıe berýge baǵyttalǵan 77 qadamdyq is-sharalar kesheni arqyly júzege asyp jatyr.
«Qamqor» jobasy boıynsha 3 mıllıonnan astam bilim alýshy «Taza Qazaqstan» aksııasyna seńbilikterge belsene qatysty, 2,1 mıllıonǵa jýyq kóshet otyrǵyzdy.
«Shabyt» jobasy: 2 mıllıonnan astam bala dombyra tartýǵa qatysty. Sondaı-aq, «Ánshýaq» festıvali jas oryndaýshylar arasynda úlken tanymaldyqqa ıe boldy. Sonymen qosa, «Danalyq ustazdan», «Maqtanyshym – Respýblıkam!», «Jetistigim – elime!», «Alǵys aıtý kúni», «Ananyń aıaly alaqany» sekildi baıqaýlarǵa 3 mıllıonǵa jýyq oqýshy qatysqan.
«Naýryz meıramy qarsańynda elimizdiń barlyq mektepterinde bir mezgilde kúı oryndalady. 20 naýryz kúni saǵat 11:00-de respýblıkalyq dombyrashylar chellendji ótedi. Oǵan 1 mln-ǵa deıin oqýshy men pedagogter qatysady dep kútilip otyr», dep málimdedi Tárbıe jáne qosymsha bilim berý departamentiniń dırektory Erlan Qalmaqov.
Memleket basshysynyń tapsyrmasymen «Balalar kitaphanasy» jobasy iske qosyldy, onyń aıasynda 2580 kitaptyń tizimi jasaldy. Sonymen qatar, 2024 jyly balalar kitaphanasynyń onlaın-portaly iske qosylǵan.
Mektepterde oqý aptasy QR-nyń Memlekettik Ánuranyn oryndaýmen bastalady. Úzilis kezinde oqýshylar «asyq atý», «toǵyzqumalaq», «bes tas» sekildi ulttyq oıyndarǵa belsene qatysady.
Kóktemgi kanıkýlda úıirmeler men seksııalar jumys isteıdi. Balalar ár aıdyń úshinshi jeksenbisinde jáne kanıkýl ýaqytynda mýzeılerge tegin bara alady. Oǵan qosa, teatrlarda balalarǵa arnalǵan qoıylymdar uıymdastyrylady. Sondaı-aq «Qazaqfılmniń» altyn qoryndaǵy fılmder men anımasııalyq fılmderdi mádenıet jáne bilim berý uıymdarynda tegin ujymdasyp tamashalaý múmkindigi jasalyp jatyr.
