Foto: Qorǵanys mınıstrligi
Qorǵanys mınıstrliginiń habarlaýynsha, elordadaǵy Qazaq eli alańynda ótetin sherýde Aqtaý garnızonynda qyzmet ótkerip jatqan ofıserler, serjanttar jáne merzimdi qyzmettiń 160 sarbazy saltanatty sap túzemek.
«Paradqa qatysýshylar jan-jaqty muqııat irikteýden ótti. Bul biz úshin úlken mártebe jáne jaýapkershilik. О́ıtkeni, áskerı sherý – beıbitshilik úshin óz jandaryn qurban etken batyrlarǵa degen qurmet», dedi teńiz jaıaý áskeri brıgadasy komandıriniń jaýyngerlik jáne dene shynyqtyrý daıarlyǵy jónindegi orynbasary maıor Berik Almanııazov.
Aıta keteıik, paradqa Qarýly kúshterdiń barlyq salasynan 4000-nan astam áskerı qyzmetshi, onyń ishinde 200-den asa áıel áskerı qyzmetker qatysady. Sondaı-aq, 200-den astam áskerı tehnıka men avıasııa sherýge qosylady.
