ATA SALTYM – QAZYNAM

Jazdyń jaıma-shýaq kúnderinde Taldyqorǵan qala­syn­da aýdandardyń mádenı kúnderi shymyldyǵyn ashty. Dástúrli merekeniń tusaýkeserin ótken jyly bas júldeni ıelengen Aspantaýlar ólkesiniń jurtshylyǵy – raıym­bektikter bas­tap, shahar halqy men qonaqtardy óleń men jyrdyń aq besi­ginde terbetip, salt-dástúrdiń máıegin usynýmen erekshelendi. Shara qaladaǵy “Úsh báıterek” jáne “Dańq” eskert­kishterine gúl shoqtaryn qoıýdan bastalyp, aýdan azamat­tary S.Seıfýllın atyndaǵy oblystyq kitaphanada oqyrmandarmen júzdesip, Muqaǵalı, Berdibek, Saǵat, Erkin, Baqqoja, taǵy basqa talanttarynyń ómiri men shyǵarmashylyǵy jaıly keńinen áńgimeledi. “Ata saltym – qazynam” baǵdarlamasymen qaz-qatar tigil­gen úılerdegi ulttyq qolóner, dástúr jalǵastyǵy órnek­telse, “Han Táńiri” áýenderi qala halqynyń kóńi­linen shyqty. Son­daı-aq, qýansa bala qýansyn demekshi, oblystyq múmkindigi shek­teýli balalarǵa arnalǵan ońaltý ortalyǵyndaǵy búldir­­shin­derge aýdan jurtshylyǵy atynan syılyq tapsyrylyp, munda da sábıler nazaryna áýezdi án usynyldy. Jastardyń saýyq keshi mazmundy bolyp, aýyl men qalalyqtar bir-birimen jaqyn­dasty. Kúmisjan BAIJAN. Almaty oblysy. BILIM MEN JUMYS ORYNDARY JÁRMEŃKESI Oblystyq mádenıet ortalyǵynda “Kásiptik bilim jáne bıznes: seriktester suhbaty” degen taqyrypta aımaqtyq forým ótti. Ony uıymdastyrýshylar oblystyq bilim basqarmasy, “Aqtóbe oblysy kásipkerleri men jumys berýshileri odaǵy” birikken qoǵamy jáne Aqtóbe qala­synyń jumyspen qamtý jáne áleýmettik baǵdarlamalar bólimi. Aımaqtyq forýmǵa Aqtóbeniń joǵary oqý oryn­dary men kolledjderiniń, Reseı jáne Chehııa joǵary oqý oryndarynyń ókilderi qatysty. Forýmnyń maqsaty – Qazaqstannyń 2008-2012 jyl­darǵa arnalǵan tehnıkalyq jáne kásiptik bilim berýdi damytý­dyń memlekettik baǵdarlamasynyń mindetterin júzege asyrýǵa yntaly taraptardy tartý, oqý oryndary­nyń túlekterin jumysqa ornalastyrý jáne kadrlardy daıarlaýdyń deńgeıin kóterý máselelerin sheshýde jumys berýshiler men bilim berý mekemeleriniń yntymaqtas­tyǵyna qol jetkizý. Osy sharanyń aıasynda ótkizilgen “Bilim. Jumys. Mansap-2010” atty kórmede shetelde bilim alý jaıynda keńes berildi, oblystyń irgeli kásiporyndarynyń qaty­sýymen jumys oryndary jármeńkesi uıymdastyryldy. Úzdik ustazdar on eki nomınasııa boıynsha marapattaldy. Satybaldy SÁÝIRBAI. Aqtóbe oblysy.