Eko-habpen birge uıymdastyrylǵan bastamada qala meıramhanalary, dúkenderi jáne basqa kompanııalar plastık qaldyqtardy azaıtyp, qaıta óńdeý úshin birikti.
Bıznesti naýqanǵa tartýda qala kafeleri men meıramhanalarynda ecocoin baǵdarlamasy iske asty. Qala turǵyndary bir ret qoldanylatyn plastıkalyq ydystarmen emes, úıden óz sýsyndaryn ákeldi. Ekologııaǵa qosqan úlesi úshin alǵys retinde qatysýshylarǵa eko-habta qaıta óńdelgen plastıkten jasalǵan kádesyılar men breloktarǵa aıyrbastaýǵa bolatyn arnaıy ecocoin monetalary tabys etildi.
Almaty Eko-habynyń negizin qalaýshylardyń biri, ekolog Evgenıı Muhamedjanovtyń aıtýynsha, ecocoin naýqany tutynýshylar jaýapkershiligin arttyrýǵa baǵyttalǵan jumystyń bir bólshegi ǵana.
«Turǵyndarǵa qoqys tastap, qorshaǵan ortany lastamaý, qaıta óńdeýden áldeqaıda tıimdi ekenin eskertemiz. Birqatar damyǵan elderde bir rettik ydystarǵa tyıym salynǵan. Almatyda da osy qaǵıdattardy engizýge tyrysamyz. Alda ecocoin júıesine kafeler men meıramhanalarda kóbirek tartyp, naýqandatý mindeti tur. Sondaı-aq zattardyń, ıaǵnı kıim, aıaq kıim, turmystyq tehnıkanyń qyzmet etý merzimin uzartý úshin ekokoınderdi kótermeleý múmkindigin qarastyramyz. Qala turǵyndary plastık buıymdardan qanshalyqty bas tartsa, qorshaǵan orta soǵurlym taza bolady. Sondyqtan ekologııaǵa árkimniń qosar úlesi bar. Árbir eko bastama sanaly tutyný mádenıetin qalyptastyrýǵa kómektesedi» deıdi ol.
Eko-hab resaıklıng pen apsaıklıngti belsendi túrde nasıhattaıdy. Resaıklıng jańa shıkizatty qaıta óńdeýge múmkindik beredi, mysaly, jańa ónimder jasaý úshin plastıkalyq bótelkelerdi eritedi. Apsaıklıng eski zattarǵa jańasha reńk beredi, ıaǵnı qaıta óńdelgen materıaldardan erekshe zattar jasaýǵa bolady.
Uıymdastyrýshylar tazalyq kompanııasyn keńeıtip, ony bıznestiń jańa salalaryna engizýdi josparlap otyr.
