Munda drama jáne qýyrshaq trýppasy bar. Bıyl Qýyrshaq trýppasynyń qurylǵanyna 40 jyl tolady. 1985 jyly 9 mamyrda Qýyrshaq teatry bolyp ashylǵan. Búgingi tańda teatr sheteldik mamandardy shaqyryp, irgeli bastamany qolǵa alyp jatyr. 40 jyldyqqa baılanysty mektep oqýshylary arasynda «Qýyrshaq álemi – balalar kózimen» atty oblystyq sýret baıqaýyn jarııalaǵaly otyr. Jaqynda barlyq mektepterge osy baıqaýdyń erejesin joldaıdy.
О́tken jyl óner ujymy úshin 200-den asa kórsetilim uıymdastyrǵan tabysty jyl boldy. Jańa alty spektakl kórsetildi. Onyń ishinde sátti spektakldiń biri Raqymjan Otarbaevtyń «Sultan Beıbarys», mektep oqýshylary arasynda úlken qyzyǵýshylyq týdyrǵan Georg Bıýhnerdiń «Voısek» spektakli. Qoıylymnyń rejısseri – aqtóbelik Meıram Habıbýllın. Bul spektakl 2024 jyly festıvalǵa qatysyp, jaqsy baǵalandy. Qazaqstan teatrlar qaıratkerleri odaǵynyń qorytyndysy boıynsha «Voısek» spektakliniń rejısseri Meıram Habıbýllın «Jyldyń úzdik rejısseri» atandy. Qazaqstan teatrlary assosıasııasy qorytyndysy boıynsha osy qoıylymda basty róldi somdaǵan Nurjan Beıisbek «Jyldyń úzdik akteri» atalymynyń jeńimpazy atandy.
О́tken jyly teatrǵa belorýstyq mamandar kelip jumys istedi. Garsıa Markestiń «Júz jyldyq jalǵyzdyq» romany boıynsha «Makondo» qoıylymyn usyndy. «Makondo» spektakli osy sáýir aıynda Qyzylorda qalasynda ótetin halyqaralyq festıvalda baq synaıdy.
«Teatrymyz synshylar birlestigimen tyǵyz qarym-qatynasta. Jańa qoıylym daıyndaý kezinde Almaty, Astana qalasynan kásibı teatr synshylaryn shaqyramyz. Olar bizdiń teatrǵa taldaý jumysyn júrgizedi. О́tken jyly oblys boıynsha qamtyǵan kórermender sany – 42500 adam bolsa, sonyń 8000-ǵa jýyǵy jastar eken. Demek, jas urpaqtyń teatrǵa degen qyzyǵýshylyǵy artyp keledi» deıdi Serke Qojamqulov atyndaǵy Ulytaý oblysy qazaq mýzykalyq teatrynyń dırektory Sáken Doshan.
Aýyz toltyryp aıtatyn jańalyq, teatr 2025 jylǵa shetelde óner kórsetýge shaqyrtý alyp otyr. Búgingi tańda óner ujymy sheteldik sapardy uıymdastyrý máselelerin qolǵa aldy.
Ulytaý oblysy
