Naryq aýqymy artatyny qýantady

Bul kúnderi oblys ortalyǵyndaǵy «Gofrotara» JShS kásiporny qýattylyǵyn arttyrdy. Zaýyt basshylyǵy 200 mıllıon teńgeden astam ınvestısııa tartyp, gofro ónimderiniń aýqymyn 2 mıllıon 1 myń sharshy metrge jetkizdi. Jalpy, bul joba elimizde qabyldanǵan ındýstrııalyq-ınnovasııalyq damý baǵdarlamasy barysynda júzege asyrylýda. Kásiporyn jańa tehnologııamen jumys jasaıdy. Nátıjesinde úsh qabatty jáne shaǵyn gofrr qatty karton qaǵazdar shyǵarý múmkindigine ıe boldy. Kásiporyn basshylyǵy aldaǵy ýaqytta Reseı, Ortalyq Azııa naryǵyna shyǵýdy josparlap otyr. О́ndiriste 100 adam jumys jasaıdy. – Básekege qabiletti ónimge árqashan suranys bar. Elbasy elimizdegi kásipkerlik ulttyq ekonomıkanyń ilgeriletýshi kúshine aınalýǵa tıis dep shaǵyn jáne orta bıznestiń úle­sin keminde eki esege arttyrý qajet­tigin mindettep otyr. Al, 2015 jyldyń 1 qańtarynan bastap Eýrazııalyq ekonomı­ka­lyq odaq óz jumysyn bastady. Elimizdiń ósip-órkendeýine jol ashatyn ıntegrasııalyq uıymǵa birigýdi, árıne, bizdiń kásiporyn ókilderi de qoldaıdy. Odaqqa múshe elderdiń arasynda básekelestik kúsheıip, sapaly ónimderdiń kólemi arta túsedi. Dúnıejúzilik saýda uıymyna múshelikke jol degen sóz. Shaǵyn jáne orta bıznestiń damýyna yqpal etedi. Taýar óndirý bir basqa, ony satý bir basqa. О́nimimizdi ótkize alatyn úlken naryq kerek. Jalpy, Reseı jáne Belorýssııa elderimen qosylyp, saýda-sattyq jolynda shekaramyzdy ashqanymyz otandyq kásipkerler úshin tıimdi. Keden odaǵy qurylmaı turǵan kezde taýarlarymyzdy shetelge ótkizýge erkindik az edi, deıdi kásiporyn basshysy Gúlnár Qaıdarova. Gúlnárdiń aıtýynsha, «Bız­nestiń jol kartasy-2020» baǵ­darlamasynyń kásipkerlerge kómegi tıip, jeńildetilgen nesıege qoldary jetipti. Qazir kásiporyn 2006 jyly alǵash ashylǵan jyldarǵa qaraǵanda óndirisin burynǵydan 2-3 ese ulǵaıtypty. О́ıtkeni, jańadan alynǵan qural-jabdyqtar zaýyttan shyǵatyn qaǵaz ónimderiniń sapasyn jaqsartty. Qatty qaǵazdardan, ıaǵnı gofrokartonnan bir-birimen jalǵasqan avtomatty qurylǵylardyń sońyna deıin aralap shyqqanda ne jasalyp jatqanyn kózińmen kóresiń. Ǵajaıyp sheteldik avtomatty qurylǵylar biri qaǵazdy qıyp, ekinshisi órnektep, úshinshisi búktep, kúndelikti kórip júrgen jumyrtqa salatyn gofrokarton qorapshalar jasap shyǵady. Seh ishi taza, jaryq. Avtomatty jelimen basqarylatyn jańarǵan, jańa zaman kásiporny degen osy. Uzyn jeliniń bir basyna qoıylǵan qaǵaz oramasy arnaıy qondyrǵylar arqyly shıratylyp, kesiledi de, ekinshi shetine daıyn qorap túrinde shyǵady. Jeli boıynda qalǵan qaǵaz qaldyqtary jınalyp alynady. Qaıta óńdeýden ótkizip, óndiriske jaratady. Jańa tehnologııa arqasynda «Gofrotara» seriktestigi búginde elimizdiń qaǵaz ónimderi rynogynyń 20 paıyzyn alyp otyr. Búkil oblystarmen jumys jasaıdy. Kásiporyn ónimderine qyzyǵýshylyq tanytqan Reseı, Tájikstan bıznes ókilderi de kelip ketipti. Gofrokartonnan jasalǵan qorapshalar sapaly, baǵalary joǵary. О́ıtken, qorapshalar jasalatyn qaǵaz quramynda sellıýloza bar. Ol Reseıden jetkiziledi. Gúlnár aldaǵy ýaqytta tetrapak qorap­taryn shyǵarýdy qolǵa almaqshy. Qazir gofrokarton ónimderi, elimizdiń qus fabrıkalaryna qajetti jumyrtqa salatyn shuńqyrly qorapshalar, azyq-túlik qoraptary jasalady. Mysaly, Qaraǵandy, Qostanaıdyń kámpıtterin sehtardan oralyp shyqqannan keıin pavlodarlyq «Gofrotara» seriktestigi shyǵarǵan daıyn qoraptar kútip turady. Shaǵyn kásiporyn otandyq rynokta jumyrtqa qorapshalaryn shyǵarý arqyly tanyldy. – Alǵashynda nebary 100 myń sharshy metr qaǵaz oramdaryn shyǵardyq. Kóbi jaramsyz qalatyn, óndiristik jeli eski boldy. Al, qazir gofro-jum­saq-búrtik karton jasaıtyn zamanaýı joǵary tehnologııalyq jeli júıesinde jumys jasaıdy. Kásiporyn aldynda jos­par-jobalar tur. Suranys kóp.Tapsyrys kóbeıgen saıyn ká­siporyn tirshiligi de alǵa basýda. Sondyqtar, bizder sekil­di kásiporyndar, shaǵyn jáne orta bıznes Eýrazııalyq ekono­mı­kalyq odaq aıasynda jańa qarqynǵa ıe bolady dep oı­laı­myn. Ekonomıkalyq yqpal­das­tyqtyń bizge, kásipker­lerge bas­ty nátıjesi sol – onda keń aý­­qymdy naryq ashylady. Báse­ke­lestik paıda bolady, bir sózben aıtqanda, bıznes damıdy, – deıdi kásipker Gúlnár Qaıdarova. Farıda BYQAI, «Egemen Qazaqstan». PAVLODAR.