Kezekti mýzeılik dáris qazaqtyń óshkenin jańǵyrtyp, tarıhyn qalyptaǵan daryn ıesi Muhtar Maǵaýınniń shyǵarmashylyǵyna arnaldy. Tarıhı roman janrynyń damýyna yqpal etken taý tulǵanyń prozalyq shyǵarmalaryna toqtalyp, ony jastarǵa nasıhattap, bilim qoryn jetildirý maqsatynda ótken is-shara jazýshynyń rýhy eshqashan ólmeıtinin bildirdi.
Ádebı basqosýǵa «Túrkistan» gazetiniń bas redaktorynyń orynbasary Toqtaráli Tańjaryq, «Alqa» ádebı-mádenı klýbynyń jetekshisi, mádenıettanýshy Janar Tańsyq, M.Jumabaev atyndaǵy halyqaralyq kolledj stýdentteri, A.Qunanbaıuly atyndaǵy №87 mektep-gımnazııasynyń oqýshylary qatysty.
Alqaly jıyn kórnekti qalamgerdiń jazyp ketken tarıhı muralaryn taldap, túsinip, urpaq jadyna sińirý, ǵıbratty ǵumyryn keıinge jetkizýdi maqsat etedi. Dáriskerler jazýshynyń tarıhı eńbekterine toqtalyp, romandaryna taldaý jasady. Sondaı-aq is-shara barysynda qalamgerdiń ómiri men qyzmeti baıandalǵan beınesıýjet usynylyp, talantty jastardyń oryndaýynda kúı tartyldy. Qatysýshylar tarapynan jazýshynyń shyǵarmalaryna qatysty suraqtar qoıylyp, is-shara marapattaý rásimimen aıaqtaldy. Alǵyshattar tabystalyp, dáriskerler jastarǵa aqjarma tilegin bildirdi.
