Aýyldaǵy jalǵyz maıdanger

Oǵan aýdan ortalyǵynan páter tartý etilip, zor qurmet kórsetildi El basyna aýyr kún týǵanda bizdiń aýyldan 127 azamat Otan qorǵaýǵa attanǵan eken. Jan alysyp, jan berisken qan maıdannan olardyń 79-y ǵana týǵan-týysqandarymen aman-esen qaýyshqan. Jyl ótken saıyn bul atalarymyzdyń qatary seldirep, qazir bir ǵana ardager qaldy. Ol 90-ǵa kelse de, tuǵyrdan taıa qoımaǵan qadirmendi Aısa Sapanov aqsaqal. Aramyzda asqar taýdaı bolyp júrgen atamyzǵa basymyzdy ıip, taǵzym etemiz. Bolashaq urpaqty Otandy súıýge, eliniń, týǵan jeriniń adal patrıoty bolýǵa, yntymaq pen birlikti qurmet tutýǵa tárbıeleý isine áli de úlesin qosyp keledi. Mek­tebimizde ótetin tálim-tár­bıe saǵattarynda, Táýelsizdik merekesi, Otan qor­ǵaýshy, Jeńis kúni sııaq­ty merekelik sharalarda ómir­den kórgeni, túıgeni mol atanyń áńgimelerin, estelikterin shákirt­terimiz súısine tyńdaıdy. Odan úlken ulaǵat ala otyryp aǵa urpaq ókilderine uqsaýǵa tal­pynady. Adamgershilik, aza­mattyq, ultjandylyq qa­sıet­terdi boılaryna sińiredi. Oqýshylardan quralǵan jas tımýrshylar ataıdyń úıine baryp, qolǵabys berip turýdy dástúrge aınaldyrǵan. Jergi­likti ákimdik te syı-sııa­­pat­taryn jasap turady. Jańa jyl qarsańynda aýdan ortalyǵy – Novoıshım aýylyn­da paı­da­lanýǵa berilgen 3 qabat­ty turǵyn úıdiń jaıly bir pá­teri Aısa atamyzǵa tartý eti­lip, Uly Jeńistiń 70 jyldy­ǵy qar­sańynda zor qurmet kór­setildi.  Ásemgúl JANǴUTTINOVA, Sarybulaq orta mektebiniń dırektory. Soltústik Qazaqstan oblysy, Ǵ.Músirepov aýdany.