Foto: Aqorda
Prezıdentterge qarjy ortalyǵynyń qurylymy men qyzmetiniń negizgi baǵyttary týraly málimet berildi. AHQO Basqarýshysy Renat Bekturovtyń aıtýynsha, búgingi tańda Qarjy ortalyǵy arqyly tartylǵan ınvestısııa kólemi 14,4 mıllıard dollarǵa jetti. Onyń ishinde 7,1 mıllıard dollar – Astana International Exchange bırjasyndaǵy portfeldik ınvestısııalar, al 7,3 mıllıard dollar – AHQO qatysýshylarynyń ınvestısııalary. Qarjy ortalyǵynda álemniń 80-nen astam elinen 3700-ge jýyq kompanııa tirkelgen.
Memleketter basshylaryna presedenttik quqyq normalary men qaǵıdattaryna negizdelgen Ortalyq Azııadaǵy alǵashqy sot júıesi – AHQO Sotynyń, sondaı-aq Halyqaralyq tórelik ortalyǵynyń jumysy jóninde baıandaldy. Budan bólek, AHQO Qarjylyq qyzmetterdi retteý jónindegi komıtetiniń (AFSA) erekshelikteri tanystyryldy.
AHQO-ǵa Slovenııanyń resmı delegasııa múshelerimen qatar osy eldiń jetekshi kompanııalarynyń basshylary da bardy.
