Depýtattyń aıtýynsha, keıingi 5 jylda alaıaqtyq áreketter sany 1,5 ese ósken. Sonyń jartysy ınternet arqyly jasalady. Sheneýniktiń sózine súıensek, byltyrǵy jyly ınternet-alaıaqtyqtyń 22 myńnan astam jaǵdaıy tirkelgen, al olardyń zalaly shamamen 45 mlrd teńgeni quraǵan. Soǵan oraı Baqytjan Bazarbek kıberqylmysty boldyrmaý jáne ony zańmen jazalaý sharalaryn qatańdatý kerektigin jetkizdi. Olar:
- Kıberqylmysqa qatysty zańnamada «aldaý» jáne «senimdi paıdalaný» termınderiniń anyqtamalaryn naqtylaý.
- Alaıaqtyq úshin ustalǵan qylmyskerdi bas bostandyǵynan aıyrý merzimderin arttyrý. Qylmystyq jolmen alynǵan múlikti tárkileı otyryp, qosymsha jaza qoldaný múmkindigin qarastyrý.
- Keıinnen qarjylyq táýekelderdi júkteı otyryp, mobıldi qosymshalardyń qaýipsizdigi úshin, sondaı-aq keıinnen sot praktıkasyn qaıta qaraı otyryp, offroýd operasııalary men kúdikti tranzaksııalardy baqylaý boıynsha bankterdiń jaýapkershiligin kózdeý.
