Foto: Densaýlyq saqtaý mınıstrligi
О́zgeristerge saı 2021 jylǵy 1 qańtardan keıin ótken sanat merzimderi bar, merzim shektelmegen sanatty qaıta resimdeıtin, qoldanystaǵy biliktilik deńgeıin rastaıtyn medısına qyzmetkerleriniń sanattary bilimdi baǵalaý jáne keıs-test kezeńderinen ótýden bosatylady.
Budan basqa, «Meıirger isi» mamandyǵy boıynsha orta bilimnen keıingi nemese joǵary medısınalyq bilim alǵan tehnıkalyq jáne kásiptik bilimi bar medısına qyzmetkerleri úshin burynǵy jumys ótili eskerile otyryp, balamaly biliktilik sanatyndaǵy biliktilik deńgeıi saqtalady.
Dárigerlerge túsetin qarjylyq júktemeni azaıtý úshin emtıhandy birinshi ret qaıta tapsyrý kezinde tólemnen bosatý týraly sheshim qabyldandy. Meıirgerler úshin baǵalaý quny 21 000 teńgeden 17 000 teńgege deıin tómendetildi.
Medısına qyzmetkerleri osy buıryq kúshine engen kúnnen bastap 10 kún ótken soń biliktilik deńgeıin rastaý rásiminen óte alady.
