Foto: Ashyq derekkóz
Atap aıtqanda elimizde Jeńistiń 80 jyldyǵyna oraı halyqaralyq –5, respýblıkalyq – 22, oblystyq –83, qalalyq 49 jarys uıymdastyrylady. Budan syrt aýdandyq 46 saıys ótkizilmek. Atalǵan saıysqa uzyn-yrǵasy 32 myńnan astam sportshy qatyspaq.
Sporttyq tartysty uıymdastyrýdaǵy maqsat – ardagerlerdiń soǵysta kórsetken erligi-búgingi jáne bolashaq urpaqqa nasıhattaý.
«Bul mereke bizdiń bizdiń jadymyzda máńgi saqtalady. Ekinshi dúnıejúzilik soǵys jáne tyl ardagerlerine tanytqan erlikteri úshin qashanda qaryzdarmyz», deıdi R.Esenalın.
9 mamyr kúni Túrkistan qalasynda «Biz nashaqorlyqqa qarsymyz!» atty uranymen basketboldan 2009-2010 jyly týǵan uldar jáne qyzdar arasynda qazaq jazýshysy Sattar Erýbaevty eske alýǵa arnalǵan HHHX Halyqaralyq týrnır ótedi.
Jetisaı aýdanynda Jeńis kúni merekesine oraı bokstan jasóspirimder arasynda Ekinshi dúnıejúzilik soǵystyń ardageri, Sosıalıstik eńbek eri Shablan Dildabekovty eske alýǵa arnalǵan halyqaralyq týrnır jalaýyn jelbiretedi.
Aqtóbe oblysynda dzıýdo kúresinen eresekter arasynda Á.Moldaǵulova atyndaǵy «Alya Open» ashyq respýblıkalyq týrnırge shetelden sportshylar shaqyrylmaq.
Qyzylordada grek rım kúresinen Keńes odaǵynyń batyry T.Kómekbaevty eske alýǵa arnalǵan halyqaralyq týrnır 17-20 sáýir aralyǵynda uıymdastyrylmaq.
Batys Qazaqstan oblysynda karateden (WKF) Keńes odaǵynyń batyry M.Mámetovany eske alýǵa arnalǵan dástúrli «AKZHAYK OPEN» halyqaralyq týrnıri 18 mamyrda bastalady.
