Sýret: kaz.zakon.kz
Kólik mınıstri Marat Qarabaev Qostanaı oblysynda «Ortalyq – Batys» avtojolynyń jobalaý jumystarynyń barysyn tekserdi. Búginde jobalyq qujattama ázirlenip, qurylysty bastaýǵa daıyndyq júrgizilip jatyr. Jańa baǵyt Aqmola, Qostanaı jáne Aqtóbe oblystarynyń shalǵaı aýdandaryn Astana jáne Transkaspıı halyqaralyq kólik dálizimen baılanystyrady. Bul avtojol birneshe mańyzdy máselelerdi sheshedi. Qazirgi «Astana – Atbasar – Esil – Qostanaı – Qarabutaq – Yrǵyz» baǵyty 1 438 shaqyrymdy quraıdy. Al jańa jol iske qosylǵan soń qashyqtyq 865 shaqyrymǵa deıin qysqarady.
О́ńirlerdiń ekonomıkalyq damýyna serpin berip, jol boıyndaǵy eldi mekendermen taýar tasymaly artady, bıznes pen týrızm salalary damıdy. Sondaı-aq Qostanaı oblysynyń Arqalyq qalasy, Amangeldi jáne Jangeldın aýdandary, Aqmola oblysynyń Egindikól jáne Jarqaıyń aýdandary, Aqtóbe oblysynyń Yrǵyz aýdany Astanaǵa jaqyndaı túsedi. Bul jergilikti turǵyndardyń ómir súrý sapasyn jaqsartýǵa múmkindik beredi. Sonymen qatar avtojol elimizdiń ortalyq aımaqtarynan Transkaspıı halyqaralyq kólik baǵytyna tikeleı shyǵýdy qamtamasyz etip, elimizdiń logıstıkalyq áleýetin arttyrady. Jol eki jolaqty, eni 8 metr bolady. Táýligine 3 myńǵa jýyq kólik júrip ótedi dep josparlanyp otyr. Kólik jelisi 70 myń turǵyny bar 13 eldi mekendi qamtıdy.
Avtojoldan bólek, Arqalyq qalasynda mańyzdy ınfraqurylymdyq nysan – áýejaı qalpyna keltiriledi. Qazirgi ýaqytta jobalaý-smetalyq qujattama ázirlenip, qurylys jumystaryna daıyndyq bastaldy. Jobanyń negizgi parametrlerinde jalpy aýdany 3 200 sharshy metr bolatyn eki qabatty jańa termınal salynady. Ol saǵatyna 70 jolaýshyǵa qyzmet kórsete alady. Uzyndyǵy 2 500 metrlik ushý-qoný jolaǵy, taksı joly men perron jańǵyrtylady. Aeronavıgasııalyq jáne meteorologııalyq jabdyqtar jańartylyp, zamanaýı standarttarǵa sáıkestendiriledi. Qostanaı, Astana jáne Almatyǵa qoljetimdi baǵamen sýbsıdııalanatyn reıster iske qosylady. Bul joba Arqalyq qalasyn óńirlik kólik haby retinde damytýǵa múmkindik beredi. Áýejaıdyń qaıta iske qosylýy aımaq turǵyndarynyń sapaly áýe qatynasyna qol jetkizýine yqpal etedi.
«Ortalyq – Batys» avtojoly men Arqalyq áýejaıyn qaıta jańǵyrtý – Memleket basshysynyń kólik-tranzıttik áleýetti kúsheıtý jónindegi tapsyrmasyn júzege asyrýdaǵy mańyzdy qadam. Bul jobalar elimizdiń kólik ınfraqurylymyn damytýǵa, óńirlerdiń áleýmettik-ekonomıkalyq órleýine jáne halyqtyń ómir súrý sapasyn jaqsartýǵa baǵyttalǵan. Aldaǵy ýaqytta osy bastamalardyń oıdaǵydaı iske asýy Qazaqstannyń ishki jáne halyqaralyq kólik baılanystaryn odan ári nyǵaıtýǵa negiz bolady.
