QR Prezıdenti Ákimshiliginiń Ishki saıasat bóliminiń meńgerýshisi konferensııanyń ashylý saltanatynda qatysýshylardy aıtýly mereıtoımen quttyqtap, tarıhı estelikterdi saqtaýda eki eldiń ózara baılanysynyń mańyzyn atap ótti.
«Almatyda ótip jatqan «Jeńistiń esteligi: urpaqtar men halyqtar birligi» konferensııasy – elderimiz arasyndaǵy qarym-qatynasty nyǵaıtýǵa baǵyttalǵan taǵy bir qadam. Soǵys týraly estelikter – bizdiń ortaq tarıhymyz, keleshektegi birlesken yntymaqtastyqtyń negizi. Jeńistiń 80 jyldyǵy aıasynda jáne jalpy alǵanda, biz úshin bilim berý, ózin-ózi damytý, jastardyń rýhanı-adamgershilik tárbıesine baǵyttalǵan birlesken jobalardy júzege asyrý mańyzdy», dedi Abzal Núkenov.
Konferensııa aıasynda 2025 jylǵa arnalǵan Qazaqstan-Reseı gýmanıtarlyq yntymaqtastyǵy salasyndaǵy is-sharalar josparyna qol qoıyldy.
Konferensııa baǵdarlamasy úsh paneldik sessııadan turdy. Atap aıtsaq, «Jeńistiń esteligi: urpaqtar men mádenıetter arasyndaǵy kópir», «Jeńis esteligin saqtaýǵa arnalǵan jastar qozǵalystary» jáne «Ortaq tarıhty nyǵaıtýǵa baǵyttalǵan zamanaýı jobalar» sekildi sessııalar bar.
Ataýly mereıtoı qarsańynda taraptar birqatar birlesken jobalardy josparlaýda. Atap aıtsaq, aksııalar, forýmdar, mádenı is-sharalar uıymdastyrady.
