30 jastaǵy Domınıkan Respýblıkasynyń ókili BAQ ókilderine bergen suhbatynda «Men Jánibekpen judyryqtasýdy kópten beri kózdep júrgen edim. Biraq bizder ortaq mámilege kele almadyq. Endi sáti keldi dep oılaımyn. Iá, Álimhanulynyń jaqsy boksshy ekenin moıyndaımyn. Biraq ol meni utatyndaı dárejede emes» dep senimdi sóıledi.
Karlos Adames kásipqoı rıngtegi karerasyn osydan 10 jyl buryn bastaǵan. Sol aralyqta 26 kezdesý ótkizip, 24 ret jeńiske jetti. 18 qarsylasyn nokaýtqa jiberdi. Ol osydan alty jyl buryn brazılııalyq Patrık Teısheıradan upaı sanymen utylsa, bıyl aqpan aıynda ulybrıtanııalyq Hamza Shırazben teń tústi.
