Foto: Reuters
«Medısına qyzmetkerleri jaryqshaqtan jeńil jaralanǵan 30 jastaǵy er adamǵa alǵashqy kómek kórsetip, ony Barzılaı aýrýhanasyna jóneltti. Sonymen qatar, zymyran shabýyly kezinde úreıge boı aldyrǵan jáne qorǵanys panalaryna bara jatqan jolda jaraqat alǵan birneshe azamatqa kómek kórsetilýde», delingen jedel járdemniń resmı habarlamasynda.
Buǵan deıin Izraıl Qorǵanys armııasynyń baspasóz qyzmeti eldiń ońtústigindegi birneshe aýdanda áýe dabyldary iske qosylǵanyn habarlaǵan. Áskerılerdiń málimetinshe, Gaza sektorynan palestınalyq radıkaldar shamamen 10 snarıad atqan. Olardyń jartysy áýede joıylǵanymen, keıbiri jerge túsken. Dabyl sırenalary Ashkelon, Ashdod qalalarynda jáne mańaıdaǵy eldi mekenderde qosyldy.
