Kúsh atasy Qajymuqannyń eskertkishine gúl qoıý rásimimen bastalǵan is-sharada aýdan ákimi Azat Oralbaev sóz sóılep, alyp tulǵanyń erlik eńbekterin dáripteý maqsatyndaǵy jumystarǵa toqtaldy. Kezinde kúsh atasynyń 150 jyldyǵy qarsańynda Parlament Senatynyń depýtattary «Batys Eýropa - Batys Qytaı» avtomagıstraliniń boıynan batyr babaǵa mádenı-sport keshenin salý jóninde Úkimetke depýtattyq saýal joldaǵan bolatyn. Osy maqsatta qarjy bólingen.
Aýdan ákiminiń aıtýynsha, Qajymuqan Muńaıtpasov atyndaǵy alyp ǵımarat qurylysy aıaqtalyp, ashylýyna sanaýly kúnder qalǵan. Sondaı-aq is-shara barysynda Qajymuqan babamyzdyń urpaqtary jáne sport qaıratkerleri, aýyl ardagerleri onyń ónegesi jaıly aıtty. Balýannyń ómir tarıhyna arnalǵan baıandama tyńdaldy. Kúıshi Qasymbek Sarymbetovtiń «Qajymuqan» kúıiniń tusaýy kesilip, aýdannyń Qurmetti azamaty Qurmanáli Jylqybaı jazǵan «Qajymuqan» áni oryndaldy.
Mádenı jıyn aıaqtalǵan soń kúsh atasynyń rýhyna arnap as berildi.
