Pavlodar oblysynyń tabıǵat qorǵaý prokýratýrasy sý zańnamasynyń saqtalýyn taldady.
«Sý kodeksi aýyl turǵyndary úshin sýdyń qunyn tómendetýge baǵyttalǵan sýbsıdııalaý mehanızmin qarastyrady. Alaıda, oblystyń birqatar aýyldyq eldi mekenderinde máslıhattyń sheshimimen tek toptyq sý jetkizý júıelerinen alynatyn aýyz sýdyń quny bekitilgen. Al jergilikti júıelerden (bir eldi mekenniń sý qubyry) sý jetkizý quny belgilenbegen. Bul sý jetkizýshi kásiporyndardyń sýbsıdııa alýyna kedergi jasady. Sebebi sýbsıdııalardyń mólsheri máslıhatpen bekitilgen tekshe metrlik sý qunyna negizdeledi», dep habarlady óńirlik tabıǵat qorǵaý prokýratýrasynan.
Tabıǵat qorǵaý prokýrorynyń narazylyǵymen máslıhattyń tek toptyq júıelerden alynatyn aýyz sýdyń qunyn retteıtin sheshimi joıylyp, barlyq sý jetkizý kózderin qarastyratyn jańa normatıvtik quqyqtyq akti qabyldandy. Endi maslıhattyń jańa sheshimi boıynsha 1 m³ paıdalanylatyn aýyzsý úshin 185 teńge kóleminde tólemaqy belgilendi. Bul burynǵy tarıfterden ortasha 30%-ǵa tómen.
Oblys boıynsha 45 myń tutynýshy úshin sý tarıfi arzandap otyr.
