Aldymen sheberlik sabaqtary ótkizildi. Elimizde 230 myńnan asa erekshe bilim berýdi qajet etetin bala bar eken. Erekshe balalarmen tıimdi jumys isteý jáne olardyń kúndelikti ómirde de, bilim berý ortasynda da qıyndyqtardy jeńýge kómektesý úshin ınklıýzıvti bilim berý boıynsha birinshi dúnıejúzilik kongresin ótkizý usynylǵan.
– Kongress álemniń túkpir-túkpirinen úzdik sarapshylardy jınaıtyn jáne jyl saıyn álemniń ártúrli elderinde ótetin alańǵa aınalady, – deıdi ınklıýzıvti bilim berý boıynsha birinshi dúnıejúzilik kongresstiń bas dırektory Ermek Májıtov, –Qazaqstan bul bastamany alǵash kótergen el retinde tarıhta qalady. Denıel Sobel – álemdegi eń úzdik sarapshylardyń biri, ol Qazaqstanda buryn da bolǵan. Ustazdarymyzdyń jańa bilimge umtylyp, jańa bilim alýǵa degen kózqarasyn kórgen ol Qazaqstan ınklıýzıvti bilim berý salasyndaǵy osynaý aýqymdy jumystardy júzege asyra alatyn tuǵyrnamaǵa aınalyp, tartymdy ortalyqqa aınala alatynyn kórdi.
Otyz jyldan astam tájirıbesi bar logoped, ádistemelik usynystardyń, maqalalardyń, quraldardyń avtory Olga Kım Kókshetaýǵa kelip, sheberlik sabaǵyn ótkizdi.
Aıta keteıik, 15-18 qazan aralyǵynda Almaty qalasynda ınklıýzıvti bilim berý boıynsha birinshi dúnıejúzilik kongress ótedi. Ol ınklıýzııanyń, tájirıbe almasýdyń jáne ozyq pedagogıkalyq tájirıbelerdi engizýdiń ózekti máselelerin talqylaýǵa arnalǵan iri halyqaralyq alańǵa aınalady. Kongreske álemniń jetekshi sarapshylary, bilim berý mekemeleriniń, memlekettik qurylymdar men qoǵamdyq uıymdardyń ókilderi keledi dep josparlanyp jatyr.
