Oqýshy oryndarynyń tapshylyǵyn azaıtý maqsatynda 2024 jyldyń qarasha aıynda №59 mektep-gımnazııasynyń 300 oryndyq qosalqy ǵımaratynyń qurylysy men seısmıkalyq beriktigin kúsheıte otyryp kúrdeli jóndeý jumystary aıaqtalmaq. Sonymen qatar, bıylǵy aqpan aıynda №195 mektepke 450 oryndyq qosalqy ǵımarattyń qurylysy aıaqtalyp, ótken jyly №83 gımnazııa fılıaly qaıta jańǵyrtýdan ótken.
Bıyl jyl sońyna deıin №50 mektepte seısmıkalyq kúsheıtý arqyly kúrdeli jóndeý jumystary aıaqtalady.
Budan bólek, tórt joba boıynsha jobalyq-smetalyq qujattama ázirlenip jatyr: №198 mektepke 600 oryndyq qosalqy ǵımarat salý, №142 mektepti qaıta jańǵyrtý, №78 mektepke 450 oryndyq qosalqy ǵımarat salyp, kúrdeli jóndeý júrgizý jáne №170 mekteptiń eski ǵımaratyn buzyp, jańa qosalqy ǵımarat salý kózdelgen.
Ulttyq «Jaıly mektep» jobasy aıasynda, bıyl Túrksib aýdanynda 6100 oryndyq tórt jańa mekteptiń qurylysy aıaqtalady dep boljanyp otyr.
Bıyl mamyrda Jas Qanat shaǵyn aýdanynda Damý jáne shyǵarmashylyq ortalyǵynyń qurylysy bastalady. Jospar boıynsha qurylys 2026 jyldyń maýsym aıynda aıaqtalýy tıis.
