«Qonaev qalasynda turǵyn úılerdiń qurylysy qarqyndy júrip jatyr. Onymen qosa, halyqty baspanamen qamtý máselesine de asa den qoıylǵan. Byltyrdan beri 165 otbasyǵa páter kiltteri tabystalsa, búgin 28 otbasy qýanyshqa keneledi. Bıyl Uly Jeńistiń 80 jyldyǵy, birtýar azamattarymyzdyń 90-100 jyldyǵy toılanyp, Jumysshy mamandyqtar jylyna oraı birqatar is-sharalar júzege aspaq. Osy ataýly kúndermen qatar sizder de kópten kútken páterge ıe boldyńyzdar. Shańyraqtaryńyzdyń irgetasy myqty, keregesi keń bolsyn! Ishinde tek qana tatýlyq pen bereke, qýanysh pen baqyt, qut pen yrys saltanat qursyn!», dedi qala ákimi Ashat Berdihanov.
Qýanysh ıeleriniń atynan Ǵalııa Mombekova sóz alyp, jınalǵan jurtqa aqjarma tilegin arnady.
«Biz sekildi otbasylarǵa qoldaý kórsetken Prezıdentimizge, oblys ákimi men qala ákimine alǵysym sheksiz. Bul kúndi óte uzaq kúttik. Ishteı tolqyp, keýdemdi keremet sezimder kernep tur. Kezekte turǵan otbasylarǵa bıyldan qalmaı, úıli bolýdy tileımin. Toı toıǵa ulassyn!», dedi ol.
Aıta keteıik, bul páterler jekeshelendirý quqyǵynsyz jalǵa beriledi. Jalǵa alý quny barsha azamatqa qoljetimdi.
