Bıylǵy jyldyń birinshi toqsanynyń qorytyndysy boıynsha jergilikti bızneske 572 mln teńge somasynda qaryzdar berilgen. Nesıelerdiń úshten birinen astamy óndiris jáne qaıta óńdeý salasyndaǵy jobalarǵa tıesili. Halyqqa qyzmet kórsetýge baǵyttalǵan bastamalardyń 21, týrızm jáne bilim berý salalaryndaǵy jobalardyń 14 paıyzy qarjylandyryldy.
«Almaty Business-2025» baǵdarlamasy iske qosylǵan sátten bastap «Almaty» MQU shamamen 14 mlrd teńgege 600-den astam jobany qarjylandyrdy.
«Jeńildetilgen nesıeleý aıasynda qalada 2,5 myńnan astam jańa jumys orny qurylyp, kásipkerlik belsendilik artyp, jumyspen qamtý kórsetkishi ósken. «Almaty Business-2025» baǵdarlamasy qala bıýdjetine túsetin salyq túsimderiniń ulǵaıýyna da yqpal etip otyr, mysaly, qaryz alýshylar 2019 jyldan bastap 2 mlrd. teńgeden astam salyq tóledi», deıdi«Almaty» MQU basqarma tóraǵasy Altaı Ismaǵambetov.
«Almaty» MQU-da bir qaryz alýshyǵa 78 mln teńgeden astam nesıe beriledi. Qaryzdy qaıtarý merzimi - 7 jyl. Baǵdarlamaǵa qatysýdyń negizgi sharty bıznes Almaty qalasynyń aýmaǵynda tirkelgen bolýy kerek. Baǵdarlama aıasynda óndiris jáne qaıta óńdeý, áleýmettik baǵdarlanǵan kásipkerlik salalaryndaǵy jobalar, sondaı-aq ımportty almastyrýǵa, eksportqa baǵdarlanǵan árikreatıvti ındýstrııalarǵa baǵyttalǵan bastamalar qoldaý tabatyn bolady.
