Kórmeniń ashylý saltanatyna Torri ART jáne «Mereı» shyǵarmashylyq stýdııasy men «Výnderkınd» balalardy damytý ortalyǵynyń tárbıelenýshileri, Taraz qalasyndaǵy fızıka-matematıkalyq baǵytyndaǵy Nazarbaev zııatkerlik mektebi men tehnıkalyq shyǵarmashylyq, mektep olımpıadalaryn jáne mektepten tys is-sharalardy ótkizetin oblystyq ortalyqtarynyń oqýshylary men qala turǵyndary qatysty. Budan ózge, A. S. Pýshkın atyndaǵy №40, №41 gımnazııalary jáne №42, №66 Taraz jáne Amangeldi aýyly orta mektepteriniń oqýshylary da kórmeniń ótýine belsendi túrde atsalysty.
Sharanyń negizgi maqsaty balalar men jasóspirimderdiń shyǵarmashylyq qasıetin qoldaý jáne nasıhattaý, balalar eńbeginiń nátıjesin kórsetý arqyly shyǵarmashylyq jáne tulǵalyq damýyna tujyrym jasaý.
Saltanatty jıyndy oblystyq aqparat jáne qoǵamdyq damý basqarmasy «Qoǵamdyq kelisim» KMM basshysy Mýbarak Jınaqbaeva quttyqtaý sózimen ashyp, kórme jumysyna sáttilik tiledi.
Jıynǵa arnaıy kelgen keramıst-sýretshi, oblystyq qolónershiler odaǵynyń múshesi, Taraz qalasynyń «Art Taraz» Sýretshiler Odaǵynyń múshesi jáne Taraz qalasynyń NISh qosymsha bilim berý pedagogy Indıra Gýbasheva jáne qalamyzdyń №40 gımnazııasynyń kórkem eńbek pániniń muǵalimi Tatıana Votınseva kórmeniń ashylýyna izgi tilekterin bildirip, kórermen nazaryna usynylǵan týyndylardyń mańyzdylyǵyna, jastardyń shyǵarmashylyq qabiletterine toqtaldy.
Kórmege 5-16 jas aralyǵyndaǵy oblysymyzdyń 130-dan asa jas sýretshiler men qolónershilerdiń 200-ge jýyq týyndylary qoıylǵan. Olardyń arasynda múmkindigi shekteýli balalardyń eńbekterinde kórýge bolady.
Jıyn barysynda mekeme basshysy Mýbarak Qasymqyzy qatysýshylardyń eńbekterin baǵalap, qatysýshy jas talanttarǵa Alǵys hattar tabys etti.
Saltanatty jıyn sońy Kórme zalynyń meńgerýshisi Jazıra Shildebaevanyń qonaqtardy kórme jumysymen tanystyrýymen támamdaldy.
Aıta keteıik, «Meniń álemim» beıneleý jáne qolónershiler kórmesi 15 sáýirge deıin jalǵasatyn bolady. Kórmeni tamashalaýǵa kelem deýshi qala qonaqtary men turǵyndaryna Dostyq úıiniń esigi ashyq. Meken-jaıy: Tóle bı kóshesi, №23/B.
