Eńbek • 15 Sáýir, 2025

Jyl basynan beri 11 myńnan astam jumyskerdiń quqyǵy qorǵaldy

0 ret

kórsetildi

1 mın

oqý úshin

Bıylǵy jyldyń sáýirindegi jaǵdaıǵa sáıkes memlekettik eńbek ınspektorlary respýblıkanyń 45 kásiporny 1,3 myńnan astam jumyskerge jalaqy boıynsha 395,9 mln teńge bereshek ekenin anyqtady. Sonymen birge túrli uıymdarda júrgizilgen tekserýler barysynda eńbek quqyǵy buzylýynyń 1,6 myń faktisi tirkeldi, dep habarlaıdy Egemen.kz.

Botagóz ÁBDIREIQYZY

Jyl basynan beri 11 myńnan astam jumyskerdiń quqyǵy qorǵaldy

Foto: kluchimasterstva.ru

Jalaqy boıynsha bereshegi jáne eńbek quqyǵynyń buzylýy anyqtalǵan kásiporyndardyń basshylaryna oryndaýǵa mindetti 832 uıǵarym berilip, 98,1 mln teńgeden astam somaǵa aıyppul salyndy. Tıisti is-árekettiń, jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 1,1 jumyskerdiń quqyqtary qorǵaldy. Olarǵa 241,8 mln teńge tólendi.

Eńbek zańnamasynyń saqtalýyna memlekettik baqylaýdy qamtamasyz etý máseleleri Eńbek jáne halyqty áleýmettik qorǵaý mınıstrliginiń erekshe baqylaýynda. Bıylǵy 1 sáýirdegi derek boıynsha memlekettik eńbek ınspektorlary 1332 tekserý júrgizdi, onyń barysynda 1616 buzýshylyq (eńbek salasynda – 1332, eńbek qaýipsizdigi jáne eńbekti qorǵaý boıynsha – 272, halyqty jumyspen qamtý boıynsha – 12) anyqtaldy. Sóıtip, qabyldanǵan sharalardyń nátıjesinde 10 myń jumyskerdiń eńbek quqyǵy qorǵaldy.