Foto: pixabay.com
Isik negizgi tamyrlar men óńeshti qysyp, kómeıdi yǵystyra kele, tós súıeginiń artyna jaıylyp, naýqasta entigý men tunshyǵý paıda bolǵan.
Osy keseldiń saldarynan naýqastyń óńeshi aıtarlyqtaı yǵysyp, qysylyp, tynys alýy qıyndaǵannan keıin dárigerlerge júgingen. Mamandar qalqansha bezi isiginiń kólemi 10 santımetrge jetip, moıyn bulshyqetine qaraı ósip, lımfatúıininde metastazdyq zaqymdanýlar paıda bolǵanyn anyqtaǵan.
«Ota ashyq tásilmen júrgizildi. Isikke baılanysty qatty yǵysqan qaıtarymdy kómeı júıkelerin bólip alyp, daýys fýnksııasyn saqtap qalýǵa múmkindik týdy. Qalqansha bezi tolyǵymen alynyp tastalyp, moıyn lımfadısseksııasy júrgizildi», – deıdi Almaty onkologııa ortalyǵynyń hırýrgy Shyńǵys Satymbaev.
Joǵary dáldikti talap etetin operasııa kómeı júıkeleri men aınalasyndaǵy qurylymdar isikpen tyǵyz baılanysta bolǵan. Qarapaıym tilmen aıtqanda, dárigerler isikti alyp tastap qana qoımaı, daýysqa jaýap beretin júıkelerdi de zaqymdamaı saqtap qalǵan. Bul – daýystyń joǵalmaýy úshin óte mańyzdy.
Eki saǵatqa sozylǵan ota kúrdeli bolsa da, dárigerler ony sátti aıaqtady.
Otadan keıin naýqastyń jaǵdaıy jaqsy, jarasy jazylyp, eshqandaı qıyndyqsyz otbasyna oraldy.
Oraıy kelip turǵanda, mamandar mundaı qaterli isikterdi asqyndyrmaı anyqtasa, ony emdeý áldeqaıda jeńil bolatyndyǵyn taǵy da eske salady.
Sondyqtan, deneńizde bir ózgeris baıqalsa nemese kúmándi belgi paıda bolsa, dárigerge kórinýdi keshiktirmeńiz. Ýaqtyly tekserilý – ajaldan da arashalýy múmkin.
